2009-12-05

Sasiburuko batzarra: hausnarketa eta bide berriak

Kaixo Lagunok,

Urtero lez, Sasiburu elkarteari iritsi zaio urteko batzarra egiteko unea..aurten beraz, bazkide batzarra datorren abenduaren 16an burutuko da, arratsaldeko 19.30ean, San Bizenteko kultur etxean.
Oraingoan, bazkideei ezezik, herriko beste eragileei, euskaltzaileei eta euskararen alde lan bat edo beste egin nahi dutenei ere zuzendu nahi die batzarra.

Hausnarketarako unea da, euskara elkartearen etorkizuna erabaki eta aurrera begirakoak ( baldin eta aurrera begirakorik bada) finkatzeko hitzordua.

Interesa duen orori beraz, bertaratzea estimatua izango da.

Abenduaren 16ra arte.

2009-11-16

Bizikleta bira: Sestao-Barakaldo-Areeta-Barrika

Datorren asteburuan, hilak 21 Sestaoko taldeak bizikleta txango berria antolatu du: Barrikara kostaldetik. Barakaldo-Sestao-Areeta eta gero kostaldeko bidtik.

betiko moduan,xuabe xuabe egingo dute; nahi duenak egun pasa egin dezake, eta bokata ekarri; nahi duenak metroa alboan baita, itzulia metroz egin ahal du.

beno, animatuz gero, 3 elkargune daude, 2 Metro geltokietan:

1) "Ansio", 9:15etan. handik sestaora bizikletaz, eta han,
2) "Kasko" irteeran, 9:30 etan. Handik Areetara Bizkaiko zubitik, eta han,
3) bizkaiko zubiaren beste aldean, +- 9:45 minututan.

2009-11-15


AZAROAK 19, 19:30 SAN BIZENTEKO KULTUR ETXEAN


Twantinsuyu-Qollasuyu esaten diote indigenek, Bolivia esaten diogu guk. Amets Arzallusek eta Txomin Txuekak hogei egun pasa zituzten han, gure Bolivian.

Bertan gertatzen ari diren aldaketa politiko eta sozial sakonak beren begiz ikusi eta beren belarriz entzutera joan ziren, gero Euskal Herrian zabaltzeko asmoarekin. Zorteko izan ziren; besteak beste Felipe Quispe gerrilla burua ezagutzeko aukera izan zuten, La Pazeko kartzelarik handienaren barruan pasa zuten goiz bat, Sanchez de Lozada diktadoreak piztutako gasaren gerrako biktimekin ere egon ginen, eta Evo Moralesek atea zabaldu zien.
“Illimani: Boliviako izpiak eta hizkiak” hitzaldi audiobisual bat muntatu dute, erakusketatxo batekin janzten dena. Ordu eta erdian, hitza, argazkiak, bideoak, bertsoak...denetik, Bolivia gertuago ikus, senti, eta uler dezagun. Eta indigenak askeago izan daitezen, bide batez.

2009-10-25

Ezkerraldea, euskaraz blai!

Euskaraz bizi nahi duzula, bada zeren zain zaude!! Hartu parte ekintzetan!!


*
Aukera paregabea izango dugu Bai Esan Santurtziko euskara elkarteak antolaturiko Bertso Zakuto emanaldiari esker. Urriaren 30ean, ostirala, 22:00etatik aurrera afari desberdin batez gozatuko dugu: kantuak, bertsoak.. 18 euro balioko du. Informazioa blogean duzue. Izena eman urriaren 28a baino lehen AEKn, Udal Euskaltegian edo Kalea tabernan.

*
Hitzaldi interesgarri batera joan nahi baduzu, Felix Mugurtza etnografoak Neguko ohitura zaharrak hitzaldia eskainiko digu Kresalan 20:00etan urriaren 30ean Euskara Sailaren eskutik. Xehetasunak blogean.

* Hurrengo larunbatean, urriak 31, Eriz Magoak ikuskizun bikaina egingo du Gernika Parkean 12:00etan Euskara Sailak antolatua.

Tfna: 94 493 80 71 / 607 515 720
Loturak: http://santurtzieuskalduna.blogspot.com eta ezkerraldea@aek.org

2009-10-07

Bertso Bira Beurko-Bagatzako jaietan


Udazkenarekin batera hainbat ekitaldi etorri dira, besteak beste, Beurko-Bagatzako jaien barruan antolaturiko bertso bira.
Urriaren 17an, larunbatarekin, eguerdiko 13.00etatik aurrera Argalario tabernan Onintze Enbeita eta Fredi Paya bertsolariak kantutan arituko dira auzoan zehar. Bertan HASI bertso eskolako kideak ere bertsotan ikusi ahal izango ditugu.
Anima zaitezte eta zatozte pote batzuk hartzera!

2009-05-07

EKAINEAN DONE JAKUE BIDEA BIZIKLETAZ!


Adi lagunok!!

Ekainaren 13 eta 14ean Egizu Getxo Euskaldun euskara elkarteak asteburu pasa antolatu du Araba aldera; bertan bizikleta ibilaldia egingo dute, Done Jakue bideari dagokion tartea hain zuzen ere.
Asteburuak 40 euro balio du ( berbalagunentzako) eta 50 berbalagun ez direnentzako. Manteinua eta furgoneta barne daude baina informazio osagarria Egizuko lagunen blogean jaso dezakezue. Besterik ez, anima zaitezte asteburu ederraz disfrutatzen. Izerdi pittin bat botako dugu, ez gehiegi ordea!

MAIATZAREN 20AN NOMADAK TX BARAKALDON


Hurrengo maiatzaren 20an, arratsaldeko 19.30ean San Bizenteko kultur etxean Nomadak TX bikote txalapartaria gurekin izango da; hitzaldia eman eta dokumentala jarriko dute.

Gure aldetik, esan beharra daukagu aukera paregabea duzuela kalitatezko emanaldi bat euskaraz ikusteko. Anima zaitezte beraz, eta bertan egongo gara.

BERBA LAGUNEN MENDI IRTEERA ARATZ MENDIRA


Hurrengo maiatzaren 23an Euskal Herriko berbalagunek mendi irteeratxo bat antolatu dute Aratz mendira. Hitzordua goizeko 10.00etan finkatu dute. Joateko asmorik izanez gero idatz egiguzue berbaraka@hotmail.com helbidera.

Anima zaitezte eta mingaina askatu!

2009-02-17

Martxoan antzezlana Barakaldon


Kaixo lagunok!!

Bueno, udaberriaren bueltan gara...poliki poliki, egunak luzeagoak dira eta gauza berriak egiteko gogoa piztuz doa...

Bada, KORRIKA datorkigun hilabeteari ongi etorria emateko asmoz, martxoaren 3an "Ogiyik karri etzun semia" antzezlana programatu dugu.

Data: Martxoa 3, asteartea.
Ordua: Iluntzeko 20:00etan.
Lekua: San Bizenteko Kultur Etxea

Besterik ez, lagunei esan eta hurbildu zaitezte!!!

Izan ontsa!

SASIBURU, Barakaldoko euskaldunon elkartea

2009-01-21

ADAXKAK: urtarrila eta otsaileko programazioa


Urtarrila bukatzear badago ere, ADAXKAK taldeak poltsiko bete ekintza dakartza azken egunotarako.
Horietako batzuk San Bizenteko jaien barruan kokaturik daude, hala nola:
Urtarrilaren 24 eta 25ean San Bizenten egongo dira umeentzako jarduerak eta jolasak egiten.
Urtarrilaren 31n Natura Errespetatu jarduera egingo dute Ibarrakaldun, Bagatzan. Gogoratu aldaketarik ezean jarduerok larunbatero burutzen direla, arratsaldeko 6etatik 8etara.

2009-01-09

III Pintxo Dastaketa


Hirugarren urtez Sasiburuk Berba lagun edo berbarakako lagunei zuzenduriko pintxo dastaketa programatu du hurrengo urtarrilaren 20rako, asteartea. Euskaraz hitz egiteko gogoa baduzu zatoz San Bizenteko plazara arratsaldeko 19:30ean. Bertan pintxo gozoak dastatu ahal izango dituzu Barakaldoko beste euskaldunekin batera.

Bertso bazkaria San Bizenteko jaietan


Urtarrila jarduera interesgarriez josita datorkigu!
Horietako bat San Bizenteko jaietan ospatuko den bertso bazkaria dugu. Hurrengo urtarrilaren 17an Irazu eta Maia bertsolariak izango ditugu Mukusulubako eskolan, eguerdiko 14:30etatik aurrera.
Sarrerak Barakaldoko AEKn eros ditzakezue 20 euroan.