2012-12-31

Urtarrileko euskal agenda

Hementxe duzue Ezkerraldeko urtarrileko euskal agenda, jarduera hauetaz gain San Bizenteko jaietan euskarazko ekitaldi gehiago izango dugu.Berauen berri geure webgune honetan laster emango dizuegu. ZORIONAK ETA URTE BERRI ON!!

2012-12-21

Olentzeroa Beurko-Bagatzan

Ibarrakaldu elkarteak eta Beurko-Bagatzako jai batzordeak Olentzeroaren etorrera ospatzeko zenbait ekitaldi antolatu dute datorren abenduaren 24ean.
Anima zaitez eta parte hartu!!

2012-12-12

Sukaldaritza tailerreko emaitzak

Hemen iragarri genuen bezala, azaroan sukaldaritza tailer bat egin genuen izena eman zuten 12 pertsonarekin. Ikasleetako batek, Juanmak, argazkiak atera eta komiki moduko bat prestatu du.

Hemen duzue emaitza:
Irakasleak bere aldetik, hiru saioetan azaldu zituen sei errezetak jarri ditu interesa izan dezakeen guztien eskura:


Iazko tailerrean, Juanmak argazkiak atera zituen.

Ondo ibili eta sukaldean jaki goxoak prestatu!

2012-12-11

Txirri, Mirri eta Txiribiton antzokian


Datorren abenduaren 27an Barakaldoko antzokian Txirri, Mirri eta Txiribiton pailasoen bi emanaldia izango dugu. Jarduera honetan berroegi urte pasa  beste belaunaldiei bide uzteko garaia heldu zaie..
Hainbat urtetan Txirri, Mirri eta Txiribitonek Bizkaiko Gabonak alaitu dituzte euren jira ederrak antolatzen. Orain aurkezten duten ordu bete inguruko funtzio berezi honetan, Txirri, Mirri eta Txiribitonek berrogei urtemugako ospakizunen errematea jarriko dute beren esketxik famatuenak antzezten: Kax-kax, Sustoa, Ostatu Nagusia, Txirrimatona... Kakusai gaiztoak ere egingo du agerpen txikia, baina ez du inor beldurtzea lortuko. 
Euren abestirik famatuenak ere publikoarekin batera kantatuko dituzte: Txirri, Mirri eta Txiribiton, Zapi zuria, Paristik natorren, Pintto Pintto, Altza Pelipe...
Berz, beste aukera eder bat ondo pasatzeko, kasu honetan bereziki umeei zuzenduriko ekitaldia, baita gurasoak ere Barakaldon euskaraz gozatzeko.

 NON: BARAKALD0 ANTZOKIAN.

NOIZ: ABENDUAREN 27AN.

ORDUA: bi emanaldi 18:00etan,19:45ean
               

2012-12-09

Euskararen ginkanako memoria

Euskararen Ginkana amaitu zen eta ekitaldi honetarako prestatu dugun material guztia argitara ematen dugu. Baita jokalariek lortutako emaitzak ere (azken orrialdean):



Frogak zeintzuk ziren jakin nahi duzu?
Erantzunak zeintzuk ziren jakin nahi duzu?
Jokalariak nola moldatu ziren jakin nahi duzu?
Antzeko ginkana bat prestatzeko inspirazio bila zabiltza?
Euskararen ginkanako memoria ikuskatu ezazu ea zure jakinmina asetzen duzun :-)

2012-12-03

Euskararen Nazioarteko Eguna

Gaur, egun berezia da. Gaur, Euskararen Nazioarteko Eguna ospatzen da. Hori dela eta, haibat herritan, euskararen aldeko ekitaldiak burutzen ari dira egun hauetan. Boisetik hasi eta Barakaldon bukatuta, Basauritik eta beste hainbat eta hainbat herritik pasatuz.

Barakaldon zehazki, ondoko ekitaldiak ditugu:

Hizkuntza Eskola Ofizialean
  • Eguerdiko 12:00etan.
  • Kimetz Aranaren hitzaldia.
  • Artzaina da eta bere bizimoduaz jardungo du.
Gazte Bulegoan
  • Arratsaldeko 19:00etan.
  • Bertso afaria – Tailerra / Saioa / Pikoteoa eta pizza.
  • Enkarterriko bertsolari eta Barakaldoko gazteen eskutik.
  • Informazio gehiago

Sasiburun urte osoan aritzen gara gure herrian euskara sustatzea eta indartzea helburu duten ekitaldi, tailer eta abarrak aurrera eramaten, herriko beste talde batzuekin batera. Aurten, egun honetarako bereziki, Euskararen Ginkana antolatu dugu.


Jokoak iraun duen zazpi astetan zehar, jolastera animatu diren guztiak ginkanako froga desberdinak egiten izan ditugu eta kontatu digutenagatik oso ondo pasatu dute. Asteburu honetan bertan, Euskararen Ginkanako Jaia ere ospatu genuen, Kilika bertso eskolako kideekin batera.

Hona hemen argazki batzuk:
Ginkanako saridunak
Bertsolariak kantuan
Dantzari eta Eguzki tabernen aurrean bildu ginen 40 bat lagunak pintxoak jaten, musika entzuten eta giro euskaldunean arratsalde alaia pasatzen

Barakaldoko ginkana gaur bukatzen da baina gehiagoren gogoz geratu zaretenok, animatu zaitezte Donostitik antolatzen den beste euskararen ginkana honetara, lehen fasea gaur hasten da eta!

2012-12-02

Abenduko euskal agenda

Hemen daukazue Ezkerraldeko euskararen agenda. Parte har ezazu jardueretan eta ondo pasa!!

2012-11-26

EUSKARAREN GINKANAKO JAIA

SASIBURU elkarteak antolatu duen euskararen ginkana amaitzear dago, eta jarduera dibertigarri hau amaitzeko jai txiki bat antolatu dugu datorren ostiralerako, azaroak-30, gaueko 20:30etatik aurrera Eguzki eta Dantzari tabernen aurrean lotuko garelarik.
 Orain arteko parte hartzea ederra izan da, eta oso gustura gaude Barakaldoko hainbat euskaldunek izan duzuen parte hartzearekin.Ostiraleko festa honetan  Bertso Eskolako bi bertsolari izango ditugu; horretaz gain  kamiseten zozketa, pintxoak, ginkanako irabazleei sari banaketa...

HATOR ETA ONDO PASA GUREKIN  OSTIRAL HONETAN!!

2012-11-25

Euskal doodle kanpaina

Eusko Ikaskuntzak Sarean  nazioarte mailan adierazle nagusi den Google bilatzailean, euskarak bere ikur propioa izan dezan eskatu dio Google-i.
Hori dela eta,  eskaerak pisua har dezan eta Google-ek benetan 
abenduaren 3an euskal doodle-a edo ikurra jar dezan zuen guztien
atxikimenduak behar dira. Abenduaren 1era arte Euskal Doodle-a edo ikurra 
izatearen alde atxikimenduak jasoko dira, eta abenduaren 2an jasotako
guztiak Google-i bidaliko zaizkie.


Eman zure atxikimendua webgune honetan:


http://www.eusko-ikaskuntza.org/ene/

2012-11-22

Euskararen Nazioarteko Eguna



Barakaldoko Hizkuntza eskolako lagunek euskararen nazioarteko eguna dela eta euskarazko zenbait jarduera antolatu dute. Anima zaitezte eta hurbildu egun horietan hizkuntza eskolara !!


2012-11-21

Pilates tailerra Sestaon

Hurrengo asteartean, azaroak 27, PILATES tailerra antolatu dute Sestaon BERBALAGUNekoek.
Arratsaldeko 20:00etan izango da Sestaoko AEKn.
Animatzen bazarete, eman izena Sestaoko AEKn, 678 626 567 telefonoan edo aintzane-p@aek.org posta helbidean.
Izena ematen dutenek egun horretan esterilla bat eraman  beharko dute, eta jakina arropa erosoa ere.

EGIN EZAZU KIROLA EUSKARAZ!!
!

2012-11-16

Zuberoako Sohütako ikastolaren aldeko otarrak


 LAGUNTASUNA elkartekoek azkenengo urteotan bezala Iparraldeko ikastolaren aldeko laguntza eskatzen digute.Zuberoako Sohütako ikastola finantzatzeko bertako produktuekin Eguberrietarako otartxo batzuk saltzen dituzte, Ahuski Otarreak.

Prezioa 37 eurokoa da. Otarraren edukia hauxe da:

•Ardi gazta (1Kg)
•Eztia gaztainatzea (500gr)
•“Pâté” ahate gibelarekin egina (200gr)
•Biskotx poltxa bat “artisanala”

Otarreak jasotzeko argibideak:

Otarreak erosteko:Azaroaren 25a baino lehen sartu behar da dirua (37,-€) 3035 0157 24 1571020400 kontuan (Caja Laboral - LAGUNTASUNA Taldea), izena eta bi abizenak adieraziz.

Otarreak jasotzeko: Abenduaren 15an (larunbata) LAGUNTASUNA Taldearen egoitzan (Elexpuru, 7 Behea - Barakaldo), 12etatik 14ak arte. Eraman ordainketaren egiaztagiria.

Informazio gehiago: Tf. 629455570
laguntasuna@euskaltel.net

http://laguntasuna-barakaldo.blogspot.com.es/2012/11/zuberoako-eperra-ikastolaren-alde.html

Donostiarako autobusa

 GOGORA EZAZU!!
EUSKALTZALEOK HITZORDU GARRANTZITSU BAT DUGU ABENDUAREN 1EAN DONOSTIAN.
AUTOBUSA 11:30ean Barakaldoko Epaitegi atzeko autobus geltokitik, eta Donostiatik 19:00etan. Txoferrarekin adostuko dugu nondik atera. 
Prezioa: 10€
Eman izena AEKn!

2012-11-13

Herrien Arteko XVI Folklore Jaialdia



IBARRAKALDU dantza elkartekoek Herrien Arteko XVI Folklore Jaialdia-ren prestaketa lanak amaitzen daihardute. Aurtengoan abenduaren 7 eta 8rako antolatu dute, eta besteak beste Ibiza eta Madrilgo taldeak etorriko dira gure herrira.
Gainera, musika saioan berriz , KILIKA BERTSO ESKOLAko lagunek eta DUO DENO BIKOTEA, gure betiko Euskal Herriko abestiak gogora ekarriko dizkigute berriro ere.
Gainera,  igandean Zallako Antzerkira joango dira  Ibarrakaldukoak talde gonbidatuekin eta bertan, IBAI LORAK DANTZA TALDEArekin batera dantza agerraldian parte hartuko dute.




2012-11-10

"Euskaraz bizi nahi dugu" ekitaldia

Kontseiluak manifestaziorako deia zabaldu du abenduaren 1erako “Euskaraz bizi nahi dugu!” lelopean. Ibilaldia Donostiako kaleetatik  abiatuko da 17:00etan, eta Euskararen Nazioarteko Eguna hurbil egongo dela kontuan harturik, izugarrizko jendetza biltzea espero dugu.

Zeuk ere parte hartu dezakezu eta horretarako Barakaldoko AEK euskaltegian izena eman dezakezu azaroaren 30era arte. Barakaldoko AEK-k eta Sasiburu elkarteen artean Donostiara joateko autobus bat antolatu dugu eta. Autobusa goizeko 11:30ean aterako da Barakaldotik ( epaitegiaren ondoko geltokian lotuko gara), eta itzulera ordua 19:00etan izango da.


HATOR GUREKIN!!
EUSKARAZ BIZI!!

2012-11-08

Laguntasuneko mintegiko hitzaldiak

LAGUNTASUNA Kultur Elkartetik mintegi bat antolatu du Dantza Tradizionaleko Monitoreen prestakuntza areagotzeko.

Mintegiaren Gaia: Ume Eta Gazteen Motibazioa Dantza Tradizionalean

Bi hitzaldiz osatuta dago, eta Barakaldoko San Bizente Auzoko Kultur Etxean burutuko da.

Hitzaldiak honako hauek izango dira:

Azaroak 12, astelehena, 19:30-etan. CLAUDE IRURETAGOIENAk, (Maritzuli Konpainia - Baiona). (Gazteleraz)

Azaroak 19, astelehena, 19:30-etan. MIKEL DIAZek, (Amaiur Taldea - Iruñea). (Euskaraz)

Sarrera dohainik izango da eta egiaztagiria jaso daiteke hitzaldi bietara joanez gero (lehenengoan eskatu).

Ginkanako jaia Azaroaren 30ean


Euskararen Ginkanako antolatzaileok joko honekin bilatzen genuen helburuetako bat, Barakaldarron artean euskararen erabilera sustatzea zen. Zoritxarrez, jokoaren hartu-eman gehienak idatziz izan dira eta horregatik, azaroaren 30ean, arratsaldeko zortziretan, hurbildu nahi duzuen jokalari guztioi elkar ezagutzeko gonbitea luzatzen dizuegu. Ziur hainbeste frogaren ondoren hamaika kontu izango ditugula hitz egiteko... eta nola ez, euskaraz!

Jai txiki bat ospatuko dugu eta sari banaketa bertan egingo dugu. Egia esan, ginkana hurrengo astean bukatuko da baina jai egunak direla eta, egun horretan biltzea erabaki dugu. Ordurako batek baino gehiagok ibilbidea bukatua izango du eta sariak banatu ahal izango ditugu. Festara zatozten jokalarien artean, Euskaraz Bizi Nahi Dut lau kamiseta ere zozketatuko ditugu

NOIZ? Azaroaren 30ean (ostirala), 20:00retan
NON? Dantzari tabernan (Barakaldoko Hizkuntza Eskola ondoan dago)
NOR? Ginkanako antolatzaileak, jokalariak, Sasiburuko kideak, lagunak...
ZER? Musika, janari pizkat eta giro euskalduna :-)

ETORRI BEHAR ZARA!

2012-11-01

Ezkerraldeko Euskal Agenda. Azaroa

Hementxe duzue azaroko Ezkerraldeko euskararen agenda.Anima zaitezte eta elkarte euskaltzaleek antolaturiko jardueretan parte hartu ezazue.

2012-10-26

SUKALDARITZA TAILERRA

Azaroan, iaz bezala, SUKALDARITZA TAILERRA antolatuko dugu SASIBURU elkartekook. Aurten ere, Gurutzetako Kultur Etxean egingo dugu tailer dibertigarria hau. Hori bai, interesatuta zaudetenok erne egon, plaza mugatuak bait dira. 
NOIZ: AZAROAK 8, 15. 22. Arratsaldeko 18:30etik 20:30ak arte.
NON: GURUTZETAKO KULTUR ETXEA.
Beraz, ahalik eta lasterren AEK-ko euskaltegira joan edo izena eman posta helbidean: sasiburu@gmail.com



2012-10-19

ERROMERIA SAN BIZENTEN


"Barakaldo Erromerian - 2012" programaren barruan, Laguntasuna Taldeak  erromeria bat antolatu du biharko, URRIAK 20.

Eguna: Urriak 20, larunbata.

Lekua: San Bizente Plaza
Ordua: 20:00-etan



ANIMA ZAITEZ ETA PARTE HARTU!!




2012-10-17

Berbalagunen aurkezpena Sestaon

Bihar, urriak-18, Sestaon Berbalagun proiektuaren aurkezpena  egingo da liburutegian.
Aurrera Ezkerralde euskalduna!!

2012-10-15

Arte eszenikoen egitaraua


Barakaldoko Kultur Etxekoek arte eszenikoen egitarau interesgarria antolatu dute Barakaldoko umeei zuzenduak, baita haiekin etorri gura duten senitartekoentzat ere.Antolatu dituzten jarduerak hainbat euskaraz dira.Jarduera hauek larunbatetan izango dira arratsaldeko 18:00etan. eta sarreren prezioak 3 eurokoak dira helduentzat eta 2 umeentzat, dagoeneko txartelak salgai daude. Lehenengo ekintza urriaren 20an izango da "Elurrezko panpinak" txotxongilo lanarekin.
Informazio gehiagorako jo ezazue Barakaldoko zentru zibikoetara.

2012-10-10

Euskararen ginkana

Datorren astean joko dibertigarri bat hasiko dugu e-mail bitartez izena ematen duten guztien artean. Barakaldon ezaugarri hauekin ospatzen den lehen ginkana da eta zuk jolastu behar duzu. Baita zure lagunek ere. Barre ederrak botako dituzu!



Ginkanaren ibilbidea, froga motak, arauak, sariak eta abar hemen zehazten dira:


Aurreko dokumentu atxikitua ikusteko arazoak badituzu, saiatu dokumentu osoarekin.

Abenduraren 3an, euskararen nazioarteko egunean, ginkanako irabazleak nortzuk izan diren iragarriko dugu. Sariak oso erakargarriak dira...

Abendurarte denbora dexente dago eta beraz, nahiz eta ginkana hasita egon, parte hartu zuk ere! Helbide honetara zure izen eta abizenarekin mezu elektroniko bat bidaltzea besterik ez duzu ginkanan sartzeko: Handik gutxira, lehen frogarako azalpena jasoko duzu zure postontzian :-) Froga egin nahi duzu? ANIMATU!

2012-10-06

DUO DENO BIKOTEAREN KONTZERTUA





Datorren asteko ostiralean,urriak-12, arratsaldeko 19:00etan betiko euskal abestien kontzertua entzuteko aukera izango dugu Beurko-Bagatzako jaien barruan.

HURBIL ZAITEZ ETA EUSKAL MUSIKA GOZA EZAZU!!

ZER: DUODENO BIKOTEA. EUSKAL KANTAK.
NOIZ: URRIAK-12, OSTIRALA, 19:00ETAN.
NON: SANTA TERESAKO PLAZAN.

2012-10-03

Umeentzako ipuin kontalaria

  
BEURKO-BAGATZA auzoko jaien barruan SASIBURU elkartekoek beste jarduera bat antolatu dugu umeentzat:
NOIZ: URRIAK-14, igandea.
ORDUTEGIA: 17:30 – 18:30
NORENTZAT: 3tik  8 urte bitarteko umeentzat.
NON: Santa Teresa elizaren aurrealdean.


              Iratxo bat da animazio-saio honen gida; bidaia luzea egingo du basoko zuhaitz zahar baten enborraren barruko aldetik herriraino.

              Euskal Herriko ahozko tradizio zaharreko pertsonaiak sartuko ditu narrazioan gutxika-gutxika; lamiak, iratxoak, sorginak, ipotxak, erraldoiak eta herensugeak...
.

              Beraz, anima zaitezte eta ekar ezazue zuen umea, primeran pasako dute eta Iratxo honekin!!.

2012-09-27

SESTAOKO EUSKAL JAIA

Aste honetan urtero legez Sestaoko Euskal jaia antolatu dute. Sestaoko euskaltzaleek hainbat ekitaldi gertatu dute;besteak beste: azoka, pailasoak, euskal ezkontza...
Badakizue, euskaraz ondo pasatu gura izatekotan hurbildu Sestaora eta euskal jaian murgil hadi!!


.



2012-09-20

Erromeria San Bizenten

Datorren larunbatean euskaraz bizi nahi dut lasterketako ekitaldiak amaitu ostean LAGUNTASUNA  elkartekoek beste jarduera bat antolatu dute San Bizenteko plazan "Erdizka lauetan" taldearen eskutik erromeria ederra.
 Ekitaldi hauetaz gain, gogoan izan datorren asteburuan Errontegiko jaiak izango direla hainbat urteren ostean.

ANIMA ZAITEZ ETA PARTE HARTU !!



2012-09-12

"Euskaraz bizi nahi dut" herri lasterketa


Uztailean aurreratu genizuenez Barakaldoko zenbait elkarte euskaltzaleren artean jarduera batzuk antolatu ditugu KONTSEILUAK proposaturiko euskararen aldeko lasterketa dela eta. Euskararen aldeko festa hau datorren asteko larunbatean, irailak 22, arratsaldeko 17:00etatik aurrera.izango da.Lasterketaz gain umeentzako gaztelu puzgarriak, erromeria, truke azoka eta askaria egongo dira besteak beste.



HATOR ETA PARTE HARTU !!

2012-07-20

"Euskaraz bizi nahi dut " LASTERKETA


Euskararen gizarte erakundeen Kontseiluak datorren irailaren 22an Euskal Herriko hainbat herritan  "Euskaraz bizi nahi dut" lelopean, herri-lasterketak antolatu ditu ordu berean. Barakaldon ere euskararen erabileraren aldeko ekimenaren antolakuntzan lehenengo urratsak eman ditugu dagoeneko zenbait elkartek, besteak beste geureak Sasiburu elkarteak.
Kontseilua erakundeko lagunek  euskarazbizinahidut.org.webgunea martxan jarriko dute  lasterketa honi buruzko informazio zehatza emateko.Guk ere aurrerago lasterketa honetan parte hartzeko geure blog honetan apuntatzeko tokien berri emango dizuegu.





2012-06-18

Euskal Kultur Astea San Bizenten

Ekainaren 18tik 22ra arte HALADZIPO elkartekoek EUSKAL KULTUR ASTEA antolatu dute, aste honetako arratsaldeetan hainbat jarduera eta ekintza prestatu dituzte, adin eta ikusle mota guztietarako.
Ekintza hauek 18:30etatik aurrera hasiko dira San Bizente auzoan zehar. Kalejirak, umeentzako tailerrak, hitzaldiak, ...
Eta dena behar bezala burutzeko, larunbatean 23an, Euskal Musikaren Jaia ospatuko dute: 11:30ean KALEJIRA hasita, Anaien Parketik San Bizenteko parkeraino, eta, bertan, 12:30ean, EKITALDI MUSIKALA. Ondoren 15:00etan HERRI BAZKARIA. 
Jarduera hauei buruzko informazio zehatzago duzue  euren webgunean: www.haladzipo.org

2012-06-14

Ibarrakaldu dantza elkarteko jaia


Ekainaren 16an, larunbata, Ibarra-kalduren ikasturte amaierako jaia ospatuko dute. Elkarteko dantza talde guztiek hartuko dute parte emanaldi batean, arratsaldeko 18:00etan, Santa Teresa plazan. 
Ondoren, 21:30ean, elkarteko egoitzan afari bat antolatu dute. Izena emateko, Ibarrakalduko bulegora joan zaitezkete.
Prezioa: 12 euro pertsona bakoitzeko.


2012-06-12

Gazta Zati Bat dokumentala Barakaldon

Datorren asteko asteratean, ekainaren 19an, Barakaldoko antzokian  euskarazko film interesgarri bat ikausteko aukera izango dugu:
Gazta Zati Bat dokumentalak euskal gatazkaren gaia era berritzailean aurkeztuko du: gertakizun handien hurbileko begirada eskaintzen du, historia handia letra txikiarekin kontatzen du, gertutasunez, intimismoz, umorez... Giza faktorea azpimarratzen du eta historiaren eta albisteen kronika estereotipoetatik aldentzen da. 
Filma hau  Jon Maia bertsolariaren zuzendaritzapean burutu dute. 


ANIMA ZAITEZ!!






Hementxe duzue film honetako trailerra: 
 http://vimeo.com/40230513


NON:  BARAKALDOKO ANTZOKIAN.
NOIZ: DATORREN ASTEARTEAN, EKAINAREN 19AN, 20:00ETAN.

2012-06-08

BERRIA LAGUN KANPAINA

BERRIA egunkaria zure ziztada behar dugu kanpaina hasi du, krisia dela eta publizitatearen sarrerak gutxitu zaizkie hedabideei.Hori dela eta euskarazko egunkari bakarra den Berriak euskaltzale guztion laguntza eskatzen du egoera larri honetatik ateratzeko, eta  horretarako diru ekarpen txiki bat egin dezagun.Informazio gehiago edo diru-laguntza hori emateko ondoko helbide honetara jo dezakezue:

www.berria.info/berrialaguna

2012-06-07

KAPELA EGUNA BARAKALDON

Har ezazue txanoa, kapela, txapela edo nahi duzuena eta hurbildu bihar Barakaldora!!!!
Triki-poteo mundiala egingo dugu!!! 19:30etan Barakaldoko AEKn elkartuko gara, eta San Bizentetik buelta eman ondoren, Bagatzara joango gara.
Berandu bazatoz, lasai, jarrai ezazu musikaren soinua eta topatuko gaituzu!!!
Bihar arte, berbalagunok!
 
 

Erromeria San Bizenten



 "BARAKALDO ERROMERIAN 2012" Programaren barruan eta Laguntasuna Taldeak antolatuta, Erromeria bat izango dugu Barakaldon berriz ere.

Eguna: Ekainak 9, larunbata. Ordua: 20:00etan
Lekua: San Bizente Plazan

Animatu zaitez eta etorri Laguntasunakoekin dantzaz gozatzera!!

2012-06-02

Ezkerraldeko euskararen agenda

Hemen duzue ekaineko euskararen agenda.
ANIMA ZAITEZ ETA PARTE HARTU!!

2012-05-28

Lagun artean kantari




Datorren ostiralean, ekainak 1, LAGUNTASUNA elkartekoek San Bizente Auzoko kaleetatik arituko dira betiko Euskal Kantak abesten.

Laguntasunaren egoitzan da hitzordua arratsaldeko 20:00etan.

2012-05-23

Haladzipon datorren ikasturterako matrikula


Haladzipo Euskal musika tresnen eskolak datorren ikasturterako matrikula epea zabaldu du dagoeneko. Epea zabalik dago maiatzaren 31era arte.Urtero legez hainbat ikastaro antolatu dute: alboka, atabala, bateria, bibolina, txalaparta eta abar.

Anima zaitez eta matrikula egin ezazu.

 Hementxe duzue elkartearen webgunea:

http://www.haladzipo.org/

2012-05-17

EMAN ZURE ZIZTADA BERRIAREN ALDE

 
BERRIA EGUNKARIAREN ALDEKO KANPAINARI BURUZKO HITZALDI IREKIA.  
 
NON: SAN BIZENTEKO KULTUR ETXEA.
NOIZ: EKAINAK-5, ASTEARTEA, ARRATSALDEKO 18:30EAN
               
                                                   
       EMAN ZURE ZIZTADA!!  HATOR!!

2012-05-15

Film laburren emanaldia

Datorren ostegunean, maiatzak 24, Caostica elkarteak bildu dituen euskarazko film laburrak emango ditugu. Saioa arratsaldeko zazpiretan hasiko da San Bizenteko kultur etxean.

Zatoz laburmetrai barregarri, harrigarri, dibertigarri, nazkagarri, zirraragarri, miragarri, txundigarri, irrikagarri, kilikagarri, pizgarri, hilgarri, zoragarri eta maitagarri batzuk ikustera!

2012-05-10

Mintza eguna 2012 Santurtzin

Mintza Eguna Santurtzin izango da aurten ekainaren 2an. Goizeko 11:00etan jaiaren hasiera izango dugu Santurtziko portuan, eta egun osoko egitaraua prestatu dute Mintzalagunekoek.


Anima zaitez eta parte hartu jai honetan!!

11:00 Harrera eta hamaiketakoa, portuan
12:00 Bisita gidatua / Ume eta gurasolagunentzat jolasak
13:30 Kalejira poteoa
14:30 Bazkaria Gernika Parkean
16:30 Sari banaketa
17:00 Erromeria “Aldatz” taldearekin
20:00 Kantu-triki-poteoa

... eta sorpresa

2012-05-07

Erromeria San Bizenten

 LAGUNTASUNA elkartekoek beste erromeria bat antolatu dute datorren larunbaterako.


BARAKALDO ERROMERIAN 2012


MAIATZA: 2012ko maiatzak 12 (larunbata)


LEKUA: San Bizente Plaza  
ORDUA: Arratsaldeko 20:00etan


Anima zaitez eta parte hartu!!

2012-05-04

ENKARTERRIKO BERTSOLARI TXAPELKETA


 LARUNBAT HONETAN, MAIATZAK-5, ARRATSALDEKO 17:30EAN ENKARTERRIKO BERTSOLARI TXAPELKETAREN  FINALA IZANGO DUGU BARAKALDOKO SAN BIZENTEKO KULTUR ETXEAN.
ANIMA HADI ETA HATOR GEURE ESKUALDEKO BERTSOLARIAK  ENTZUTERA.



2012-04-29

EZKERRALDEKO EUSKAL AGENDA

Hemen daukazue maiatzeko euskal agenda geure ezkerraldean. Anima zaitezte eta parte hartu berbalagunen jardueretan!!

2012-04-04

BARRY BARREZ umorezko saioa

 SASIBURU elkartekoek euskarazko beste ekitaldi gozagarria antolatu dugu apirilaren 26an San Bizenteko Kultur Etxean:  BARRY BARREZ.
Hona hemen ekitaldi honen nondik-norakoak:

Barry Barrezek - urte pare bat daramatza Euskal Herrian umorezko bakarrizketak egiten, batzuetan bakarrik bestetan taldekideekin batera. An Seanacha-ki gaelikoz ipuinlari esan nahi du. Beste garai batean, herriz herri joaten ziren ipuinak kontatzen afari eta lo egiteko leku baten truke. Inguruko biztanleak berarengana hurbiltzen ziren honen istorio interesagarri, dibertigarri, triste eta bitxiak entzutera.
Gaur egun Seanachai pertsonaia zoritxarrez desagertu da eta horrekin batera neurri batean helduentzako ipuin kontalarien tradizioa.
Euskal ikusleei zuzendua, Barry Barrez-ek eskainitako Road Show honek, irlandar ipuinlari tradizio hau jarraitzen du, teknologia berriak, irudiak eta bideo klipak lagunduta.

ZER: BARRY BARREZ.
NON: SAN BIZENTEKO KULTUR ETXEA.
NOIZ: APIRILAREN 26AN, OSTEGUNA, 19:30EAN.

2012-03-22

Berbalagunak mendira

Mendizaletasuna eta euskara maite dituzuenok sekulako aukera daukazue larunbat honetan, martxoak 24, mendilagunak Aralarreko Intzako Dorrera joango dira. Honetarako, 09:00etan geratu dira Santurtziko tren geltokian. "Sherpa" nagusia bajan egon arren, irteera egiteko gogoz daude.

Aralar mendilerroko mendirik garaiena da, baina erraz igotzen da. Oso aukera ona argazki ederrak ateratzeko baita lagun berriak egiteko ere.

Izena emateko: ezkerraldea@aek.org.

2012-03-09

LABURBIRA 2012. FILM LABURREN ZIRKUITOA


SASIBURU ELKARTEKOEK DATORREN MARTXOAREN 20AN, ASTEARTEAN, ARRATSALDEKO 19:00ETAN BESTE EUSKARAZKO EKITALDI BAT ANTOLATU DUGU  TOPAGUNEAREN LAGUNTZAZ.

LABURBIRA 2012.   FILM LABURREN ZIRKUITUA

NON: SAN BIZENTEKO KULTUR ETXEA 
NOIZ: MARTXOAREN 20AN, 19:00 ETAN.