San Bizenteko jaietan euskaraz

SASIBURU elkartekook  San Bizenteko jaietan euskarazko bi ekitaldi antolatu ditugu urtarrilaren 22an, ostiralean.
Ekintza horietako lehena umeentzat da: OLIVER MAGOA.Esan bezala, datorren ostiralean eguerdiko 12:00etan Velazquez plazan.

Bestetik, azkenengo urteotan legez PINTXO DASTAKETA antolatu dugu Berbalagun proiektuaren barruan.Ekimen honetara Barakaldoko Berbalaguneko lagunok nahiz edozein euskaldun parte hartzera gonbidatuta zaudete.

ANIMA ZAITEZTE ETA PARTE HARTU!! SAN BIZENTEKO JAIETAN EUSKERAZ!!

Barakaldoko mugimendu euskaltzalearen historia

Barakaldoko udalak K aldizkariaren 2. zenbakia atera berri du abenduan eta bertan Txeru García Izagirrek Barakaldoko mugimendu euskaltzaleei buruz idatzitako artikulu interesgarria aurki dezakegu. 21 orrialdetan hainbat izen, leku eta talde aipatzeaz gain, 1960-70 eta 1970-80 hamarkadetako argazki ere aurkituko dituzu.
Udalak aldizkariaren 700 ale argitaratuko ditu eta 10 eurotan jarriko dira salgai kiosko, liburu-denda eta Errekatxoko Luis Choya Almaraz zentroan. Zure ale aurkitzen ez baduzu edo zuzenean Txeruren lana irakurri nahi baduzu, hementxe duzu:

Sasiburutik zorionik beroenak eman nahi dizkiogu Txeruri gure historia biltzeko egin duen lan bikainagatik. Eskerrik asko!

Herrien Arteko XVI Folklore Jaialdia

IBARRAKALDU dantza elkartekoek Herrien Arteko XVI Folklore Jaialdia-ren prestaketa lanak amaitzen daihardute. Aurtengoan abenduaren 7 eta 8rako antolatu dute, eta besteak beste Ibiza eta Madrilgo taldeak etorriko dira gure herrira.
Gainera, musika saioan berriz , KILIKA BERTSO ESKOLAko lagunek eta DUO DENO BIKOTEA, gure betiko Euskal Herriko abestiak gogora ekarriko dizkigute berriro ere.
Gainera,  igandean Zallako Antzerkira joango dira  Ibarrakaldukoak talde gonbidatuekin eta bertan, IBAI LORAK DANTZA TALDEArekin batera dantza agerraldian parte hartuko dute.

"Euskaraz bizi nahi dut" herri lasterketa

 

Uztailean aurreratu genizuenez Barakaldoko zenbait elkarte euskaltzaleren artean jarduera batzuk antolatu ditugu KONTSEILUAK proposaturiko euskararen aldeko lasterketa dela eta. Euskararen aldeko festa hau datorren asteko larunbatean, irailak 22, arratsaldeko 17:00etatik aurrera.izango da.Lasterketaz gain umeentzako gaztelu puzgarriak, erromeria, truke azoka eta askaria egongo dira besteak beste.

HATOR ETA PARTE HARTU !!

Haladzipon datorren ikasturterako matrikula

Haladzipo Euskal musika tresnen eskolak datorren ikasturterako matrikula epea zabaldu du dagoeneko. Epea zabalik dago maiatzaren 31era arte.Urtero legez hainbat ikastaro antolatu dute: alboka, atabala, bateria, bibolina, txalaparta eta abar.

Anima zaitez eta matrikula egin ezazu.

 Hementxe duzue elkartearen webgunea:

http://www.haladzipo.org/

EMAN ZURE ZIZTADA BERRIAREN ALDE

DATORREN EKAINAREN 5EAN BARAKALDOKO EUSKALTZALEOK  HITZORDU GARRATZITSU BAT DUGU:

 

BERRIA EGUNKARIAREN ALDEKO KANPAINARI BURUZKO HITZALDI IREKIA.  

 

NON: SAN BIZENTEKO KULTUR ETXEA.

NOIZ: EKAINAK-5, ASTEARTEA, ARRATSALDEKO 18:30EAN

               

                                                   

       EMAN ZURE ZIZTADA!!  HATOR!!

Euskal inauteriak San Bizenten

Laguntasuna elkarteko kideek igande honetan, otsailak 26, 13:00-etan , San Bizenteko kaleetatik arituko dira Euskal Inauteria antzezten.
Miel Otxin, Artza, Kaskarotak, Ponpierak, Kotilungorri,Txatxoaketa abar Done Bikendi auzoko kaleak girotzen ibiliko dira.
Anima zaitez  eta hurbildu ekitaldi honetara.

Inauteriak Beurko Bagatzan

I 

IBARRAKALDU  dantza elkartearen lagunek zenbait jarduera antolatu dute inauteriak direla eta.

Anima zaitez eta Beurko Bagatzara hurbildu otsailaren 25ean.

Agate deunako abesbatza

Ibarrakaldu dantza taldekoek Agate deunerako abesbatza antolatu dute. Datorren otsailaren 4ean, arratsaldeko 19:00etan.
Anima zaitez eta parte hartu.

Helduentzako ipuin saioa

Hizkuntza eskolako lagunek jarduera polita antolatu dute:

ZER: Joxe Mari Karrere ipuin kontalariaren saioa.

NOIZ: otsailaren 15ean,  arratsaldeko 18:15ean.
NON : hizkuntza eskola.

Durangoko liburu eta disko azoka 2011

Abenduaren 4tik 8ra bitartean irekiko ditu ateak Durangoko liburu eta disko azoka

Guztira, 434 izenburu berri aurkeztuko dituzte aurtengo azokan, besteak beste 313 liburu eta  63 disko.Bestalde, esan behar dugu guztira 200 ekitaldi baino gehiago antolatu direla Azoka inguruan. Horietako asko Haur eta Literatura Aretoak hartuko ditu, eta tailer bereziak ere izango dira gune horretan.Baita ere, euskal wikipediaren 10.urtemuga ospatuko da.

Informazio gehiago: www.durangokoazoka.com/

Herrien arteko XV. folklore jaialdia

.

Ibarrakaldu elkartekoek ekimen ederra antolatu dute datorren astebururako:
Herrien arteko XV. folklore jaialdia. Hementxe daukazue antolaturiko ekitaldi sorta.

Hostoak Barakaldoko antzokian

Asteburu honetarako pare bat proposamen ekartzen dizkizuegu:
Bihar, azaroak-20, Barakaldoko antzokian arratsaldeko 19:00etan  HOSTOKi zeneko ekitaldi ederra izango dugu AMAREN ALABAK, KUKAI eta OREKA TX taldeen eskutik.

Bestetik, Bilboko zinema aretoetan GARTXOT izeneko filma izango dugu ikugai.
Animaziozko pelikula berezia estreinatuko dute aste honetan: "Gartxot". Arturo Campion idazle nafarrak utzitako koblakariaren istorioa dugu. Film hau euskaraz dago egina eta azpitituluak erdaraz dituela ikusi ahal izango dugu.
Bestalde,    Benito Lertxundiren musika eta Asisko Urmenetaren marrazkiak besteak beste dituela esan behar dugu.

ONDO PASA.

TXAN magoa, mintza praktika eta erromeria

 Gazte asanbladakoek mintza praktika tailerra antolatu duten azaroaren 11an San Bizenteko parkean gaueko 20:00etan.

Bestalde,  "BARAKALDO ERROMERIAN 2011" Programaren barruan, Laguntasuna Taldeak antolatuta, Erromeria bat ospatuko dute Barakaldon: Azaroak 12, larunbata,20:00etan

 Azkenik, azaroaren  27an Barakaldo Antzokira hurreratzen diren umeek Txan mago ezagunaren Ezer ez da dirudiena ikuskizun barriaz gozetako aukerea eukiko dute Topagunea eta Bizkaiko aldundiaren eskutik.

Euskal eskola publikoaren jaia

Hurrengo igandean, 2011ko ekainaren 5ean, Bilboko Arenalean ospatuko da Euskal eskola publikoaren jaia  Aurtengo leloa oso sinplea izango da: "Euskal Eskola Publikoaren Jaia: 20 urte".

Zuberoako Maskarada Bagatzan

IBARRA-KALDU dantza taldeak Zuberoako Maskarada osoa emango du datorren larunbatean, martxoak 12, Barakaldoko Beurko-Bagatza auzoan. Emanaldia eguerdiko 12:00etan hasiko da,  kalez kale Maskaradako pertsonaiak aurkeztuko dira, baita  Barrikada izeneko dantza sorta ere. Ipar Euskal Herriko ohiturak ezagutzeko ekimen pare gabe honek arratsaldean izango du segida, 18:00etatik aurrera Maskarada osoa antzeztuko baita Santa Teresa plazan.