2021-04-12

Elikagaien manipulazio tailerra


 

Barakaldoko Gazte Bulegoak tailer interesgarria antolatu du:

  • Elikagaien manipulazio tailerra
    • Apirilaren 28an
    • 17:00etatik 20:00etara
    • Izen-ematea
    • Gazte Bulegoan
      •  San Juan, 17
      •   Whatsapp: 688639935
      • gaztebulegoa@barakaldo.eus
    • Apirilaren 14tik 21era

2021-04-07

BERTSO SAIOA LASESARREKO KIROLDEGIAN


 SASIBURU ELKARTEAK  "UDABERRIAN ERE EUSKARAZ!" KANPAINA BARRUAN EGUNDOKO BERTSO SAIOA ANTOLATU DU ONDOKO BERTSOLARIOKIN:

      ANE LABAKA.  Euskal Ikasketetako Gradua egin zuen Gasteizen. Gerora, Gizarte Antropologiako Masterra eta Ikasketa Feministak eta Generokoak izenekoa burutu ditu. 

      ETXAHUN LEKUE  Magisteritza ikasketak ditu eta bertso irakasle aritu izan da hezkuntza arautuan.Eskolarteko eta gazte sariketetatik pasata, 2002tik hasita Bizkaiko Txapelketako final guztietan aritu da eta 2016an txapela eskuratu zuen.

      ION BARROKAL  Euska filologoa. Itxaropena ikastolan hasi zen bertsotan, ikasle garaian. Gaur egun, Trapagarango bertso eskolan aritzen da.Enkarterriko txapelduna izandakoa da.


Gai jartzailea: Ander Ezeiza.


NOIZAPIRILAREN 29an, osteguna, arratsaldeko 19.00etan

NON: LASESARRE KIROLDEGIKO ARETO NAGUSIAN.

ADI EGON!! PLAZA MUGATUAK!

ANIMA ZAITEZ!!

               EMAN IZENA:  info@sasiburu.eus


2021-03-26

ATZERRIAN LURRA GARRATZ " BARAKALDOKO ANTZOKIAN

 

Larunbat honetan, martxoak-27, arratsaldeko 19:00etan, "Atzerrian lurra garratz", Artedrama konpainiaren azken ikuskizuna Barakaldo Antzokira helduko da.

Laura Penagosek eta Ander Lipusek antzezten dute, eta migratzaileen egoera, integrazioa edo gure erantzukizunen eta gure nahien arteko talka bezalako gaiak jorratzen ditu.

Amancay Gaztañagak zuzentzen du muntaia eta bi aktoreekin elkarlanean sortutako testua sinatzen du.

Antzerkira etortzera eta ikuskizun honetaz gozatzera animatzen gaituzte, segurtasun-neurri guztiekin. Antzokiko Lagunek %25eko deskontua dutela sarreran gogorarazten digute  BARAKALDOKO ANTZOKIkoek.

"Ene baitan bizi da" literatur solasaldia

 

Barakaldoko Irakurzale Klubeko kideak, Maddi Txoperenaren "Ene baitan bizi da" liburua irakurtzeaz gain, idazlearekin ere elkartuko dira, apirileko literatur jardunaldien barruan.

Zer: "Ene baitan bizi da" literatur solasaldia

Noiz: apirilaren 27an, asteartearekin

Zer ordutan: 19:00etan

Non: Clara Campoamor Kultur Etxean

Izena emateko: 678 626 567 edo barakaldo_berba@aek.eus 

Sinopsia: Aitari zerbait entzunik, amatxiren bizipenen gibeletik abiatzen da Marie, Donibane Lohizuneko gaztea, Parisko ikasketak bururatzeko egin behar duen azken memoria lanerako. Ez zaio erraza suertatuko, ordea, amatxik ez baitio nahi duena emanen, eta Mariek berak ere ez baitaki zeren bila dabilen, xuxen... Kutxa batean gotorturiko oroitzapen zatiak balira bezala jasoko ditu irakurleak Josefinaren gazte garaiko amets, pentsamendu eta bizi-minak, Marieren begiradapetik.

Askotariko istorioak gurutzatzen dira Maddi Ane Txoperena Iribarrenen lehen eleberrian: 1950.eko hamarkadan Ipar Euskal Herrian eta Frantzian neskato ibilitako emakumeen errealitateak, lehengo eta oraingo maitasun eta desamodio istorioak, laneko sufrimenduak, gatazka politiko baten ondorengo testuinguru baten ezinak, amatxi-biloba eta alaba-guraso harreman korapilatsuak... Guzia etorkizunaren eta orainaren arteko zubi jolas batean.

ANIMA ZAITEZ ETA IZENA EMAN!!


2021-03-24

MIKROKONTAKIZUN LEHIAKETA

 Euskarazko literatur sormena sustatu eta bultzatu nahian, Barakaldoko Kultur Ekipamenduen Hurbilleko Sareak Mikrokontakizunen VI. Lehiaketarako deialdia egingo du. 




 

2021-03-22

BULTZA EUSKALTEGIAK

 


AEK-k Bultza euskaltegiak! Bultza euskara! izeneko dinamika jarri du abian, aurten ere euskalduntze-mugimenduaren garrantzia plazaratzeko. Ekimenaren baita, Euskal Herriko 80 herritan baino gehiagotan ekitaldi xumeak burutuko ditugu martxoaren 28an, eguerdiko 12:00etan. Barakaldon ez dugu hutsik egingo eta Eskulturen plazan elkartuko gara.

NOIZmartxoaren 28an, eguerdiko 12:00etan.

NON: ESKULTUREN PLAZAN. (Euria egitekotan, Lasesarreko frontoian).


ANIMA ZAITEZ ETA PARTE HARTU!!

2021-03-18

ZURE EUSKARA POLITA DA! POLTSAK SALGAI

 SASIBURU elkartekook beste poltsa sorta bat jarri dugu salgai. Oraingoan bakarrik BARAKALDOKO AEK-ko euskaltegian dauzkazue betiko salneurrian.



ANIMA ZAITEZ ETA EROS EZAZU GURE POLTSA AGORTU AURRETIK!

Eskerrik asko kaleak kolorez eta euskaraz betetzeagatik!




2021-03-15

ANTZEZLANA GURUTZETAN ETA IRAKURLE KLUBA

 



SASIBURU ELKARTEAK antolatutako antzezlan interesgarri honetarako oraindik plazak daude.

ANIMA ZAITEZ ETA EMAN IZENA: info@sasiburu.eus

                               


Bestalde, IRAKURLE KLUBAk Uxue Alberdi idazlearekin elkartuko da bihar DENDAOSTEKOAK liburuaz berba egiteko.

Ekintzan parte hartzeko izena eman behar da: 678626567 telefonoa edo

barakaldo_berba@aek.eus


ANIMA ZAITEZTE ETA EMAN IZENA!


   

FAMILIAN JOLASTEN

 Barakaldoko gurasolagunek martxoaren 26ean, 6 laguneko hiru txandatan banatuta (17:00, 18:00 eta 19:00etan), elkartuko dira "familian jolasten" ekimena egiteko, Hala Dzipo musika eskolan. Bertan, ispiluaren jolasa, soinuak asmatu eta zenbait erronka egingo dituzte euskaraz ondo pasatu eta dibertitzeko. 

ANIMA ZAITEZTE ETA EMAN IZENA!

Izena emateko 678 626 567 telefonora dei edota barakaldo_berba@aek.eus e-postara mezu bat bidal dezakezu.




2021-03-10

Argazki lehiaketako saridunak!

 🏆📸Lan handia egin duzue eta oso zaila izan da erabakitzea. Artista hutsak zarete!
80 argazki baino gehiagoren artean hiru sari eta accesit bat banatu ditugu, hauek izan dira irabazleak:

🥇IRANTZU
     📦Errigora elikagaien saskia!

 🥈BIRTXUTXU
     📕"Dendaostekoak" - Uxue Alberdi
     📓"Sugarren mende" komikia - asisKo

🥉IDOIA
     🛍️"Zure euskara polita da" poltsa

🏅AINHOA - accesita
     🛍️"Zure euskara polita da" poltsa

👏🏾Eskerrik asko parte hartzeagatik! Zuen euskara polita da!
 







2021-03-08

PLATERETIK BARATZERA

 Udaberri oro bezala, Nafarroako Hegoaldeko hainbat produktu izango ditugu eskura ErriGorari esker. Plateretik baratzera kanpaina martoxaren 4tik 24ra egongo da martxan eta produktu hauek eska daitezke ekoizlearen jatorrizko prezioan:

 Oliba-olio birjina estra eta kontserbak 12 ontziko sortetan (zainzuriak,

 piperrak, orburuak, kardua, menestra, barazkiak, potxak, tomatea,

 kremak, txitxirioak, pasta eta arroza.

 Olioa 5 litroko bidoietan banatzen da eta kontserbak 12 ontziko

 sortetan, planteamendua urte osorako beste eskatzea da eta. 

 Eskaera-epea martxoa aldera izan ohi bada ere,

 apirilaren bigarren hamabostaldian jasoko dituzu produktuak

 zure herrian.

AEK-k, Ikastolen Elkarteak, Sortzen-ek, Zazpiak Bat-ek eta Errigorak Plateretik Baratzera antolatzen dute kanpaina hau. Ekimen honen bidez, Nafarroako Erriberako ekoizleei laguntzeaz gain, jasotako diruaren parte bat bertako euskalgintza suspertzeko erabiltzen da.




2021-03-02

IRAKURLE KLUBA.DENDAOSTEKOAK LIBURUA



 Barakaldoko berbalagunak Uxue Alberdi idazlearekin elkartuko dira martxoaren 16ean, 19:00etan, Clara Campoamor Kultur Etxean. Bertan "Dendaostekoak" liburuaz jardungo dute giro atsegin eta lasaian eta segurtasun neurriak bermatuta egongo dira. 

Parte hartzeko ezinbestekoa da izena ematea 678 626 567 telefonoaren bidez edota barakaldo_berba@aek.eus e-postara idatziz. 

Plazak mugatuak dira.

2021-03-01

ITSASPETIK AZALERA.ANTZEZLANA

 

SASIBURU ELKARTEKOOK beste ikuskizun interesgarri bat antolatu du KULTUR ERROTA egitasmoaren barruan:

"ITSASPETIK AZALERA, AZALETIK PLAZARA" ANTZEZLANA

“Emakumie naz, kostakue, euskaldune…Barre ein dot baitxe negar be, baina batez be maitxatu izen dot eta maitxatzen dot bizi nazen eta hilko nazen mundu bazter hau.”

Auzkeztera gatozen formatu txikiko antzezlan honetan, poesia, istorioak eta kantuak tartekatzen dira, garai bateko emakumeen bizipenak azaleratzeko. Kostaldeko herrietan, olatuen joan-etorriak ekartzen ditu bizibidea eta heriotza; poza eta tristura; maitasuna eta gorrotoa… eta aspaldiko kontu etakantu zaharrak.

Antzerki honetan, mendeetan zehar kresalak emakumeei azalean utzitako aztarnak bildu eta plazaratuko ditugu: askatasun eza, ezkontz behartuak, maitasun ukatuak eta emakume izate hutsagatik ezarritako rol derrigortuak"


ADI EGON! AFOROA MUGATUA DA!

NOIZ: MARTXOAREN 17an, arratsaldeko 19:00etan

NON: GURUTZETAKO KULTUR ETXEAN.


EMAN EZAZU IZENA: sasiburu@gmail.com


2021-02-12

PAPEREZKO ZIRKUA.APIKA.SARRERAK AGORTUTA.

 



ADI EGON!!

SASIBURU ELKARTEKOOK ANTOLATU DUGUN APIKA TALDEKO SAIOAREN SARRERAK AGORTURIK DAUDE.

BESTALDE, GOGOAN IZAN ZEURE EUSKARA POLITA DA KANPAINAKO POLTSAK SALGAI DAUDELA AEK-KO EUSKALTEGIAN.



 

2021-02-09

GURASOLAGUN TALDEA DESERTU AUZOAN


   Barakaldoko Desertu auzoan gurasolagun talde bat osatuko da. Bertan, hainbat familia euskaraz elkartu eta arituko dira giro on eta alaian.

 Animatuz gero, jarri gurekin harremanetan: 678 626 567 edo barakaldo_berba@aek.eus. Talde txikiak izango dira eta toki seguruetan elkartuko dira.


ANIMA ZAITEZTE ETA PARTE HARTU!!

IPUIN KONTALARIA GURUTZETAN



 


SASIBURU elkartekook beste jarduera dibertigarri bat antolatu dugu umeentzat.

PAPEREZKO ZIRKOA. IPUIN KONTALARIA

NON: GURUTZETAKO KULTUR ETXEAN.

NOIZ: OTSAILAREN 26an, ostirala, 18:00etan.


ADI EGON! AFOROA OSO MUGATUA BAITA (45 ikusle).



Pandemia dela eta, izena ematen duzuenok hogei minutu arinago etortzea eskatzen dizuegu ikusle guztiei tenperatura neurtzeko eta dagokizuen eserlekuan ondo kokatzeko.
Umeen ardura guraso batek behintzat arduratu beharko du.
Bestela sarrera librea izango da okupatu ez diren lekuetan (antzezlana hasi baino 5 minutu lehenago aforoa bete arte).


ANIMA ZAITEZTE ETA EMAN IZENA!! (Izen deiturak eta telefonoa+umea edo umeen izenak).

EMAN IZENA: sasiburu@gmail.com



2021-02-04

BIDAIA FRUSTATU BATEN ABENTURA EDERRA

 

Asier Arroita abenturazaleak bizikletaz egindako bidaia kontatuko digu, otsailaren 16an, 19:00etan, Barakaldoko AEKn. Derrigorrezkoa da izena ematea eta segurtasun neurriak betetzea, musukoaren erabilera barne. Honela kontatzen digu Arroitak: "Esperientzia asko batu ditut zazpi hilabetetan, eta azkenik, birus famatuaren ondorioz, etxerako bidea presaka hartu behar izan nuen.Bidaian zeharkatutako 9 herrialdeetan ikusitakoa, eta halako bidaia bat egiteko ikasitakoa partekatu nahi dut.

EMAN IZENA:

678 626 567
barakaldo_berba@aek.eus

2021-02-02

KIDAM MAGOAREN SAIOAK


Barakaldoko gurasolagunek beste ekintza bat izango dute otsailean, zehazki, hilaren 12an, bi saio antolatu dituzte Asier Kidam magoarekin, 18:00etan eta 19:00etan, Hala Dzipo musika eskolan. Magiaz gozatzeko irrikan bazaude toki seguru batean eta familia giroan, ez izan zalantzarik eta eman izena. Segurtasun neurri guztiak beteko dira.

 Izena emateko azken eguna otsailaren 11 izango da.

678 626 567
barakaldo_berba@aek.eus

2021-01-25

Argazki lehiaketa: #ZureEuskaraPolitaDa

"Zure euskara polita da" kanpainaren baitan, Sasiburuko kideok argazki lehiaketa bat antolatu dugu!

Bidali "Zure euskara polita da" mezua duen argazki bat beranduenez otsailaren 28an eta sari hauetako bat irabazteko aukera izango duzu:

1. saria > Errigora produktuen saskia + Korrikako katilua

2. saria > Liburu bat + komiki bat

3. saria > Zure euskara polita da poltsa

Argazkien originaltasuna baloratuko dugu. 

Parte hartzeko, bidali zure argazkia hona: info@sasiburu.eus

📲Nahi baduzu, argazkia gizarte sareetan partekatu #ZureEuskaraPolitaDa traolarekin! 

Bestela, guk egingo dugu😜!


GALDERAK:

  • Argazki kamara profesional batekin egin behar dut?
Ez da beharrezkoa, zure mugikorrarekin egin dezakezu!
 
  • Argazki bat baino gehiago aurkeztu ditzaket?
Bai, gehienez hiru. 

  • Ez naiz Barakaldokoa, parte hartu dezaket?   

Bai, noski! Lehiaketa euskaldun guztientzako zabalik dago.

  • Irabazlea izatekotan, saria non eskuratuko dut?
Barakaldon, lekua e-postaz zehaztuko da.

2021-01-19

PRAKTIKATU TXARTELA

 

Aurten ere BERBALAGUNek euskara praktikatzen segituko dute segurtasun neurri guztia betetzen segituko baitute: talde txikiak, toki ireki edota aireztatuetan, musukoaren erabilera... Gainera, berbalaguna izateagatik hainbat abantaila daude:

Prentsa eta argitalpenak 

AIZU! aldizkariaren urte osoko harpidetza (10 zenbaki) merkeago izango duzu. Harpidetza arrunta 29 euro, mintzapraktika egitasmoetako parte-hartzaileentzat 23 euro

BERRIA egunkariak %50eko deskontua eskaintzen dizu asteburuetako harpidetzan, 91,50 euro

ARGIA astekaria, hilabetez (4 zenbaki) doan jasotzeko aukera izango duzu eta harpidetza egin nahi izatekotan; urte osokoan %25eko deskontua izango duzu eta bestela hilean behineko harpidetza egin ahal izango duzu 41 euroan.

GAZTEZULO  Urte osoko harpidetza + CD bat 20 euroren truke.

HARMAILA  Ikasturte osoko harpidetza 25 euroren truke.

Bestelakoak
Udako Euskal Unibertsitatea UEUko ikastaroetan %25eko deskontua.

2021-01-18

D ereduan matrikulatu!

Matrikulazio garaia iritsi da gure herrira. Urtero legez zeure semea edo alabarentzat aukerarik onena gomendatu gura dizuegu, D eredua!

Ez izan zalantzarik zeure seme edo alabarentzako bitaminarik onena D eredua da!

10 arrazoi:
  1. Barakaldoko 2 hizkuntza ofizialak erraztasun osoz erabili ahal izango dute.
  2. Txikitatik 2 hizkuntza ikasten badituzte, erraztasun handiagoa izango dute aurrerago bestelako hizkuntza batzuk ikasteko.
  3. Ikasketak bukatutakoan errazago gertatuko zaie lana topatzea.
  4. Derrigorrezko hezkuntza bukatutakoan ez dute euskaltegian euskara ikasteko aparteko ahalegin pertsonalik eta ekonomikorik egin behar izango.
  5. Klasean euskaraz ikasteagatik ez dute gaztelania ahaztuko, Barakaldon hedatuen dagoen hizkuntza dela kontuan hartuta.
  6. Barakaldo bezalako leku erdaldun batean B ereduak nekez lortzen du umeen euskalduntzea. D ereduko ikaslegoak soilik ageri du hizkuntza bietan pareko gaitasun maila, beraz beraiek dira elebidun osatuenak.
  7. Bertako kultura, ohiturak, kantak... ulertzeko euskara ezagutu beharra dago. Hizkuntza bakoitza, ingurua ulertzeko modu desberdin bat delako.
  8. Inkestetako datuek erakusten dute D ereduan ikasten duten ikasleek beste ereduetakoen pareko emaitzak lortzen dituztela.
  9. Euskara, gizartean pertsona modura garatzeko daukaten beste baliabide bat da. Euskara ez ezagutzeak gizarteko zenbait esparrutan parte hartzea eragozten die.
  10. D ereduko ikaslegoak balore, kultura, ohitura, hizkuntza... ezberdinen aurrean jarrera irekiagoa erakusten du.
 
 

2021-01-12

FAMILIAN JOLASTEN.GURASOLAGUN.



Urtxintxari esker, Barakaldoko gurasolagunek aukera izango dute zenbait jolas egiteko familian, urtarrilaren 22an, Hala Dzipo musika eskolan, bost laguneko hiru txandatan banatuta,  17:00, 18:00 eta 19:00etan. Itzal txinatarrak egin, munduko dantzak ezagutu eta soinuak egingo dituzte gorputz atalekin.

 Izena emateko: barakaldo_berba@aek.eus e-postara idatz edota 678 626 567 telefonora dei dezakezue.

                      ANIMA ZAITEZTE!!

                      

2021-01-11

BIDAIA KRONIKAK



Bidaiatzea atsegin baduzu, Barakaldoko berbalagunek hitzordu ezin hobea antolatu dizute, urtarrilaren 26an, 19:30ean, Barakaldoko AEKn. Partaide bakoitzak bidaia batean egindako bost argazki aukeratu behar ditu, eta horietan oinarriturik, bidaia kontatuko du. Izena ematea beharrezkoa da edukiera mugatua baita. 

Horretarako, 678 626 567 telefonora dei edo barakaldo_berba@aek.eus helbidera idatz dezakezu.


ANIMA ZAITEZ ETA EMAN IZENA!



Eranskinen eremua