Sasiburu

2026-11-04

BIDE LAGUN IZAN NAHI?

IZENA EMATEA:

678 626 567
barakaldo_berba@aek.eus

ANIMA ZAITEZ!! EMAN IZENA!!

2026-11-03

2026-10-28

GAU BELTZA

Kalabazak hustu, kandelak piztu… Gau Beltza urriaren 31ren bueltan ospatzen da Euskal Herrian. Ohitura zaharrak berreskuratuz, jaia berrasmatzen ari dira herriz herri. Eta zuek, zer ospatzen duzue?

Udazkenetik negurako egun gero eta ilunagoen bueltan, erritu ezberdinak egin izan dira Europa osoan. Baita Euskal Herrian ere. 

Urtearen heriotza, uzta bilketa, hildako senideen oroimena… barrura begirako ariketan jartzen gaitu urtaro honek. Aldi berean, elkar beldurtzeko jolasean aritzeko parada eman ohi digu.

Gurean ere badira kontakizunak, kalabazak edo arbiak hustu, aurpegi itxura eman, kandela txiki bat sartu eta bide bazterretan argiztatuta jartzen zirenekoak; bizilagunak beldurtu eta hildakoen arimei bidea erakusteko jarriak.

Erritual ugari mantendu dituen herria da gurea. Baina beste asko urteetan zehar galtzen joan dira, egiten zirenaren ezagutza ere ia galtzeraino. Horietako batzuk berreskuratu eta berriak sortzeko ahaleginean, herriz herri hasiak dira berriz ere udazkeneko egun ilunetako jaiak antolatzen.

Anima zaitezte lagunekin gau beltza ospatzera!!! Gaubeltza.eus-en daukazue jai beldurgarri eta dibertigarria prestatzeko laguntza guztia.

#GauBeltza #ArimenGaua 

2026-10-27

ZUBEROAKO IKASTOLEN ALDEKO SASKI SALMENTA

Aurten ere, Laguntasuna Elkarteak Xiberoako ikastolen aldeko Saski Salmenta kanpainian parte hartuko du, bertako ikastolen jarduerak finantzatzen laguntzeko gure aletxoa jarriz.

Eskualde bakoitzean, bertako euskara zein kultur elkarteek kudeatzen dute saskien banaketa, eta Ezkerraldea-Meatzaldean Laguntasuna da arduraduna. Aurreko urteetan erabilitako sistema mantenduko da edizio honetan ere: saskiak zuzenean ikaskoli.eus webgunean erosteko aukera dago, LAGUNTASUNA banaketa gunea aukeratuz.

Mila esker Xiberoako Ikastolen eta euskararen alde egiteagatik!

2026-10-26

ASTE HONETAKO EUSKARAREN AGENDA

2026-10-21

ERRIGORA KANPAINA

Euskal Herria oinarri eta auzolana lanabes dituen ekimen herritarra da Errigora. Nafarroa hegoaldea du ardatz eta euskara ofiziala ez den zonaldean eragin nahi du, eremu horretakoak propio diren elikagaiei Euskal Herrian bideaemanaz, euskaratik, euskararako eta euskaraz.

Udazkenean Nafar hegoaldeko uzta euskarari puzka. Nafarroa hegoaldeko produktuz osatutako saskiak milaka etxetara eramaten dituzte kanpaina honetan. Kasu honetan, auzolanari esker, bertako euskalgintzari ekarpen-ekonomiko garrantzitsua egiten diogu (saski bakoitzaren balioaren %25). 2013an kanpaina lehenengoz egin zenetik eskaintzan hainbat aldaketa egin dute. Egun 3 saski ematen dira aukeran.

Saskiak bihartik, urriak-22, azaroaren 12ra arte eskatu ahalko dira.beti bezala Errigora kanpainako webgunearen bitartez:

www.errigora.eus

Anima zaitez eta egin ezazu zeure eskaria!!