2018-12-08

BERBALAGUNON TOPAKETA SAN BIZENTEN

 
  Urtero bezala, gabonak hurbildu ahala, Barakaldoko berbalagunek elkar ezagutzeko eguna izaten dute.

ZerBerbalagun topaketa

Noiz: Abenduaren 14an, ostiralarekin

Zer ordutan: 19:00etatik aurrera

Non: Gran Parada tabernan hasita, San Bizente kalean

ANIMA ZAITEZ ETA PARTE HARTU!!



Elkar ezagutzeko jolasak, Hala Dzipoko musikariak eta partaideentzako sariak izango dira. Ezin hutsik egin!!

2018-11-29

EUSKARAREN NAZIOARTEKO EGUNA HIZKUNTZA ESKOLAN


  EUSKARAREN NAZIOARTEKO EGUNA dela eta datorren asterako pare bat ekitaldi antolatu dute Hizkuntza Eskolan. 

Astelehenean,ABENDUAK-3,  MINTZODROMOA egingo dute lau txandatan (9.30, 11:45, 16:15, 19:00). 

Bestalde, asteartean, ABENDUAK-4, BERTSO SAIO DIDAKTIKOA izango dugu Arkaitz Estiballes eta Oihana Bartrarekin, 19:00etan.


ANIMA ZAITEZTE ETA PARTE HARTU!!



2018-11-24

XABOIA EGITEKO TAILERRA


   BERBALAGUNEKO lagunek berriro beste jarduera dibertigarria antolatu dute Lorategi Botanikoko Natur Gelako langileei esker, berbalagunek Xaboia egiten ikasiko dute.

Zer: Xaboia egiteko tailerra
Noiz: Abenduaren 4an, asteartearekin
Zer ordutan: 10:00
Non: Barakaldoko Ramon Rubial Lorategi Botanikoan. Natur Gelan.


Izena emateko: 678 626 567 edo barakaldo_berba@aek.eus. Azken eguna abenduaren 3a. 

EUSKAL SOINU-GRABAZIO ZAHARRAK

  


           IBARRAKALDU elkartekoek Hitzaldi-solasaldia  antolatu dute azaroaren 29an , osteguna, 19:30ean, Ibarra-kaldu elkartearen egoitzan.

    Gure folklorearen hainbat alderdi aztertzen eta ezagutarazten jarraitzeko, aurten, euskal soinu-grabazio zaharrak izango ditugu aztergai. Horretarako, Inaxio López de Arana ikertzailea izango dugu hizlari, besteak beste, Rudolf Lubitschen 1913ko grabazioei buruz mintzatzeko, eta, aldez aurretik, “Maitia nun zira” film laburra emango dugu, Lehen Mundu Gerran Alemaniako kontzentrazio esparruetan zeuden euskal presoei egindako grabazioak oinarri dituena.

           ANIMA ZAITEZ ETA JOAN EKITALDI  INTERESGARRI HORRETARA.

2018-11-21

TXIMELETAK EGITEKO TAILERRA

 Barakaldoko Gurasolagunek tailer interesgarri hau antolatu dute:

Zer: Tximeletak egiteko tailerra
Non: Clara Campoamor Kultur Etxean
Noiz: azaroaren 28an, 18:30ean
Izena emateko: 678 626 567 edo barakaldo_berba@aek.eus. 

Izena emateko azken eguna azaroaren 27a.

2018-11-19

EUSKARALDIA BADATOR!!

  Euskaraldiari hasiera emateko, kantu poteoa egongo da ostegun honetan! Animatu eta parte hartu! 

 Bestalde, Haladzipoko elkartekoek sekulako ikuskizuna prestatu dute euskararen egunerako, alegia, abenduaren 3rako.



2018-11-15

BERTSO AFARIA BEURKO-BAGATZAN



IBARRAKALDU elkartekoek jarduera gozagarria antolatu dute:

HERRIEN ARTEKO XXII. FOLKLORE JAIALDIA 2018

Jaialdi horren barruan ondoko ekitaldia izango dugu:

BERTSO AFARIA, ONINTZA ENBEITA eta IGOR ELORTZA bertsolariekin.


NOIZ: Azaroaren 30ean izango da, ostirala, 22:00etan. 


NON: Ibarra-kaldu elkartean. 

 Aldez aurretik, bertso-poteoa egingo da, Kilika bertso-eskolaren eskutik, 20:00etatik aurrera. 


 Afariko prezioa: 15 €


 Txartelak erosteko tokiak: Ibarra-kaldu, Hala Dzipo, Barakaldoko AEK, Argalario taberna

2018-11-14

2018-10-31

TTAK BAKARRIZKETA.

    Beatriz Egizabal klown eta antzerkilariak, Euskaraldia ekimenaren harira, umorea ardatz duen bakarrizketa saio bat produzitu du, Lanku Kultur Zerbitzuak enpresarekin.
Emanaldi berezi honek Euskaraldia zer den gizarteratu, Euskaraldiaren baitan dauden dinamika eta jokabide proposamenak azaldu, eta azaroaren 23tik abenduaren 3ra bitartean gertatuko denaren berri eman nahi du. Azken finean, hizkuntza-ohiturei buruzko hausnarketa eragitea da emanaldiaren helburu nagusia.


ZER: BAKARRIZKETA.

NOIZ: AZAROAREN 6AN, ASTEARTEAN, 19.30EAN

NON: SAN BIZENTEKO KULTUR ETXEA (CLARA CAMPOAMOR KULTURGUNEA)

2018-10-26

Errigora martxan Barakaldoko AEKn

5 urte euskarari puzka: 


AEK-k, Ikastolen Elkarteak, Sortzen-ek, Zazpiak Bat-ek eta Errigorak Nafar hegoaldeko uzta euskarai puzka kanpaina lehenengoz egin genuenetik, 5 urte joan dira. Ekimen honen bidez, Nafarroako Erriberako ekoizleei laguntzeaz gain, jasotako diruaren %25a bertako euskalgintza suspertzeko erabiltzen da: Viana, Lodosa eta Tuterako ikastolak eta Erriberako AEK.
Bi kutxa daude aukeran: zuria edota beltza. Bakoitza 50 euroan salgai.

KUTXA BELTZA: oliba-olio birjina, mahats zukua, potxak, melokotoi marmelada, arbendolak, borraja ekologikoa, pikillo piper-mamia, zainzuri estra lodiak, orburu-bihotzak, pikillo-piper osoak, ozpin ekologikoa, melokotoia almibarrean eta ardo ekologikoa.

KUTXA ZURIA

Saski zuria: txokolatezko gutiziak, pasta ekologikoa, arroza, polboroiak edo teilak, madaria almibarrean, eskalibada, pikillo-saltsa, zainzuri estra lodiak, , orburu-bihotzak, pikillo-piper osoak, ozpin ekologikoa, melokotoia almibarrean era ardo ekologikoa.


Saskia/k eskatzeko epea azaroaren 14an bukatuko da. Errigoraren webgunean

(www.errigora.eus) egin daiteke eskaria. 


Beste aukera bat Barakaldoko AEKn (San Bizente kalea, 11) egitea da, bertatik

pasatuta, telefonoz (663 03 81 35) edo emailez (barakaldo@aek.eus).


2018-10-20

BARAKALDOKO BERBALAGUN TALDEAK



Barakaldon, zabalik dago izena emateko epea berbalagun eta gurasolagun taldeetan sartzeko.

Aukera ugari daude: astean behin tabernan elkartu gustura eta lasai hitz egiteko, Kirolaz eta Naturaz
 gozatzera joan, mintzodromoetan parte hartu, bizikleta hartuta lagunarteko txangoak egin, gurasolagunetan aritu..

 Euskara-eskoletan ikasitakoa praktikatzeko abagunea, jende askorekin euskaraz egiteko aukera, inguruko euskaldunekin harremanetan hasteko modu zuzena... Hori guztia egongo da, bai eta askoz gehiago ere: parada bikaina da pozik ibiltzeko eta aisialdian ondo pasatzeko.


Beraz, 2018-19 ikasturte honetan parte hartu nahi baduzu Barakaldoko berbalagun egitasmoan, jadanik eman dezakezu izena. Aski duzu  AEK, Udal Euskaltegi eta Hizkuntza Eskolara jotzea, edota zuzenean dinamizatzailearekin kontaktatzea 678 62 65 67 telefono zenbakian.

 barakaldo_berba@aek.eus (helbide elektronikoa)

2018-10-19

IHES GELA

 Barakaldoko berbalagunek ekintza paregabea antolatu dute urriaren bukaerarako: 

Ihes Gela antolatu dugu bi txandatan.

Noiz: Urriak 31, asteazkena

Zer ordutan: 18:30 eta 19:45ean

Non: KikarARTean lokalean, Martxoak 8 plaza, 4 Behea

Izena emateko: 678 625 567 edota barakaldo_berbalagun@aek.eus

Epea: urriaren 30era arte

                                    ANIMA ZAITEZ!!

2018-10-18

"AHAZTUEN DIZTIRA" ANTXO ETA PANTXA DESERTU AUZOAN


 Euskaraldiaren jardueren artean  urriaren 20an, eguerdiko 12:30ean ANTXO eta PANTXA euskal pailazoek beren azkenengo lana aurkeztuko dute DESERTU BERRIA auzoan:

AHAZTUEN DIZTIRA. ANTXO ETA  PANTXA.

Anima zaitez eta eraman itzazu zeure seme-alabak ikuskizun hau ikustera!



2018-10-16

DESENTXUFATUAK ANTZEZLANA


   Datorren ostegunean, hilaren 18an, Desentxufatuak antzezlana ikusi ahal izango dugu Barakaldo Antzokian arratsaldeko 19:30ean.
Ikuskizuna doan izango da. Sarrerak eskuragarri dauzkazue  Hizkuntza Eskolan, AEKn, Udal Euskaltegian eta Giltzarriko Bulegoan. Baita ere, bihar eta etzi antzokiko txarteldegian bertan edukiko dituzue eskuragarri. 

ANIMA ZAITEZ ETA HAR EZAZU ZEURE SARRERA DOHAN!!



2018-10-12

BIDAIBIZITZEN. UMEENTZAKO IKUSKIZUNA BEURKON

                    SASIBURU elkarteak beste jarduera bat antolatu du BEURKO BAGATZAko jaietan:

                        Zirkun Zirko konpainiak "Bidaibizitzen" haur ikuskizuna.


              "Zirkun eta bere lagun txikia Tina-ren bidaia hastera doa... Oraingoan
               txirringa magiko eta berezi batean egitea erabaki dute... Bidean
              abentura mordoa biziko dituzte eta pertsonaia dibertigarri ugari
              ezagutuko dituzte... hauen laguntzaz bizitzari buruzko gauza inportante
              ugari ikasiko dute. "Igual ametsak ez dira desagertzen esnatzen
              garenean, agian norbaitek gordetzen dizkigu".

            NOIZ: Urriak-15, astelehenea, 18:00etan.

            NON: BAGATZAko PLAZAn.



2018-10-05

EUSKARALDIA BARAKALDON

 Euskaraldian izena emateko epea zabalik dado dagoeneko  Jarraitu beharreko pausuak oso errezak dira: http://izenematea.euskaraldia.eus esteka sakatu, aukeratu AHOBIZI edo BELARRIPREST izan nahi duzun, bete eskatutako datuak eta kitto!
Izena emateko baldintzak:
  • Euskaraz hitz egitea edo euskara ulertzea eta 16 urtetik gorakoa izatea.
  • ANIMA ZAITEZ ETA PARTE HARTU!!

2018-09-20

GARAGARDO DASTAKETA-HITZALDIA


SASIBURU ELKARTEKOEK beste jarduera gozagarri bat anotolatu dugu:

GARAGARDO DASTAKETA-HITZALDIA

     Orain dela 200 urte baino gehiago, Bavariako Luis I-a eta Sajonia_Hildburghausen-eko Teresa printzesaren ezteiak ospatzeko; Munich kanpoaldeko zelaietan ospakizun oparo bat egin zuten. Harrezker Oktoberfest-a bavariar ohituren bozgorailu bikaina izan da  mundu zabalean zehar, beti ere, garagardo ardatz hartuta.Baina Bavariaz eta garagardoaz hitz egite luze joko luke eta honako hitzaldi hau aurkezten dizuegu,
    Zatoz gurekin Alemaniar Federakundeko Land handienaren garagardoaz gozatzera!


NOIZ: URRIAK-2,ASTEARTEA, 19:00etan.

NON: KIKARARTEAN LOLALA, MARTXOAK-8 PLAZAN (SAN BIZENTE).

PLAZA MUGATUAK DIRA. BERAZ HAR EZAZU ZEURE GONBIDAPENA AHALIK ETA LASTERREN SAN BIZENTEKO AEKn.

2018-09-10

IRAKURLE TXOKOA

    Irakurle berririk etxean? SASIBURU elkartekook umeengan  irakurzaletasuna sustatzeko tailer bat antolatu dugu.

   Tailer honek bi egunetan emango dugu irailaren 28an eta urriaren 5ean, 6 eta 7 urteko umeentzat.
Bestetik, urriaren 19an eta 26an tailer bera antolatu dugu 8 eta 9 urteko umeentzat.
 Anima zaitez eta eman zeure umearen izena ahalik eta lasterren. Umean irakurtzeko, margozteko eta ipuin berriak sortzeko aukera izango dute.

Erne! Plaza mugatuak dira.

Apuntatzeko, bidali mezu bat zeure umearen izen deiturekin  daukan adina aipatuz, geure e-postara.             
                             sasiburu@gmail.com

2018-09-07

"EUSKARAZ BIZI NAHI DUT" 7. HERRI LASTERKETA

Aurten Arrontegiko jaietan zazpigarren aldiz antolatuko dugu herri-lasterketa . "Euskaraz bizi nahi dut" dinamikaren baitan kokatutako ekimena da hau. Euskaraz bizitzearen aldeko hautua egin eta egindako hautu hori harrotasunez, herri-lasterketen bitartez adierazi nahi da .

Euskaraz bizi nahi duen herritar oro gonbidatu nahi dugu Sasiburu elkartekoek ekimen honetan parte hartzera.Haurrek nahiz helduek parte hartzeko aukera izango dute, eta sariak, musika, edariak eta eskuratu ahal izango ditugu bertan.

NOIZ: datorren asteko larunbatean, IRAILAK-15, eguerdiko 12:30etan.
NON: SAN LUIS PLAZAn.


  ANIMA ZAITEZ ETA ETORRI!!




2018-07-12

TRIKI POTEOA KARMENETAN

Barakaldoko jaiak badatoz eta SASIBURU elkartekook jarduera xume bezain dibertigarria antolatu dugu:

 TRIKI POTEOA.

NOIZ: UZTAILAREN 19an, osteguna, 19:30ean.

NON: EGUZKI tabernatik abiatuz.

<

  Bestalde,kanpaina txiki bat burutuko dugu: JAIETAN  TRAGOA EUSKARAZ ESKATU!!

 Kanpaina hau euskaldunei nahiz euskaraz ikasten hasi zaretenoi zuzenduta dago, zenbait tokitan 
euskaraz besta egin nahi dut leloa daramaten kartelak ikusteko aukera izango duzue.
Bestetan, festetan edo jaietan, gura duzuen eran, kontua da ondo pasatzea eta geure hizkuntza lau haizetara zabaltzea,jakina, bakoitzak ahal duen neurrian.

Beraz, badakizue Barakaldoko jaietan ondo pasa eta gutxi gasta!

EZ ZAITEZ LOTSA ETA EUSKARAZ ESKA!!


2018-06-18

ANTXO ETA PANTXA PAILAZOEN SAIOA DESERTUKO JAIETAN

Desertu auzoko jai egitarauaren barruan hurrengo ekintzak antolatu dira euskaraz. Jarduera horietako bat SASIBURU elkarteak Desertuko jai batzordearekin elkarlanean antolatu du: ANTXO ETA PANTXA pailazoen saioa.


  • Ekainak 22, ostirala
    • 20:00 – 24:00 – Disko festa Urtzarekin 
  • Ekainak 23, larunbata – San Juan gaua
    • 11:00  – Ume tailerrak eta jolasak
  • Ekainak 24, igandea
    • 17:00  – Antxo eta Pantxa pailazoen saioa – Desertuko plazan
Ondo pasa! Eta gogoan izan, jaietan ere euskaraz!!

2018-06-09

BERBALAGUNEN JARDUERAK


BERBALAGUNekoek zenbait jarduera antolatu dute ekainaren bigarren hamabostaldirako.

1. Ekainak 20, asteazkenarekin, 18:00etan gurasolagunentzako ipuin kontaketa: Koloretako munstroa,



2. Ekainak 26, asteartearekin, 10:00etan Bisita Munoa Finkara.


3. Ekainak 29, ostiralarekin, 18:45ean Berbabordajea bidaia turistikoa itsasadarretik, hainbat musikarik girotuta


 Ekainaren azken ostiralean, hilak 29, Ezkerraldeko berbalagun guztiontzako BIDAIA TURISTIKOA daukagu, "Euskal Herria" itsasontzian.

Santurtziko kirol portutik atera 18:45ean, eta Portugaleteko kaian amaitu 20:00etan.

Bitartean Abra badiara atera eta Ibaizabal itsasadarrean barna igo egingo gara, musikaz blai eta lagunez inguraturik.

Hori guztia DOAN, baina aldez aurretik izena eman behar duzu, plaza kopurua mugatua baita.

600482022 edota ezkerraldea@aek.eus

.

2018-06-06

LLANOKO 4. HERRI LASTERKETA

 
Aurten ere LLanoko jai batzordekoek geure elkartearen eta AEK-aren laguntzaz 3. HERRI KROSA antolatu dute EUSKARAZ BIZI NAHI DUT leloarekin. 


SASIBURU elkartekook  Euskaraz bizi nahi duen herritar oro gonbidatu nahi dugu ekimen honetan parte hartzera.Haurrek nahiz helduek parte hartzeko aukera izango dute, zeren hiru lasterketa izango baitita: 


SENIOR, HELDUENTZAKO LASTERKETA. parte hartzaileek 6.750 m-tako ibilbidea egin beharko dute.

HAURRENTZAKO LASTERKETA. Umeek 250 eta 750 metrotako lasterketa burutuko dute.

Azkenik, 12:30ean HERRI LASTERKETA izango da guztiontzat.

ANIMA ZAITEZ ETA PARTE HARTU!!