Barreterapia tailerra

Ostegun honetan hitzordu polita izango dugu Sestaon. Berbalagunekoek barreterapia tailerra antolatu dute Sestaoko AEKn arratsaldeko 19:30etan

Anima zaitezte eta eman izena, primeran pasatuko duzu ta!!!

Izena emateko: Sestao edo Barakaldoko AEKn eta aintzane-p@aek.org helbidean
Bizitzari barre egin behar zaiolako, euskaraz!!!!

Abenduko euskararen agenda

Hemen duzue abenduko euskararen agenda ezkerraldean.

Berbazinema::"80 egunean" filma

Bihar azaroaren 17, osteguna, euskal zinemaz gozatzeko beste aukera bat izango dugu Barakaldon.

 ZER:   "80 egunean"  filma

 NON: San Bizenteko kultur etxean,


 NOIZ:  AZAROAK17, arratsaldeko 19:00etan.

 Axun, 70 urteko emakumea, alabaren senar ohia zaintzera joango da ospitalera. Bere ezustekoa, ondoko gaioa zaintzen duen emakumea Maite da, nerabezaroko lagun mina, 50 urte luzeetan ikusi ez duena. Gaztetan zuten kimika oraindik bizirik dagoela somatuko dute berehala. Axolagabe gozatu eta dibertitzen dira elkarrekin, Axun, Maite lesbiana dela jabetzen den arte.

Informazio gehiago: http://www.80egunean.com

<span style="background: none repeat scroll 0% 0% yellow;" class="goog-spellcheck-word">Erantzun</span> <span style="background: none repeat scroll 0% 0% yellow;" class="goog-spellcheck-word">bideoari</span>

Berbalgunak ezkerraldeko jarduerak

 

 Beste bi jarduera aipatu behar dugu. Ostiral honetan berbalagunen poteoa egongo da Barakaldon gaueko 20:00etan  Santa Teresako plazatik hasita.

Bestetik berriz ere Mendilagun taldea martxan da, berriz ere mendiz mendi euskaraz ibiltzeko abagunea datorkigu mendilagunei esker. Egutegia prest dago, eta ikasturte honetako lehenengo irteera igande honetan egingo dute (urriak 23). Beriain edo San Donato mendira abiatuko dira.

 

Geralekua: Santurtziko tren geltokia.Ordua: 08:30ean.

Anima zaitezte!

 

 

Berbalagun

Beste ikasturte bat hasi dugu, eta  ezkerraldean  berriro berba lagun proiektuak ere bai. Anima zaitez eta hurbildu AEK-ko euskaltegietara informazioa eske.

SUKALDARITZA TAILERRA

Sasiburu elkartekook beste jarduera bat antolatu dugu: SUKALDARITZA TAILERRA. Ikastaro hau ekainaren zortzian hasiko da Gurutzetako Kultur Etxean arratsaldeko 18:30etan . Interesaturik egotekotan izena eman dezakezu AEK-ko euskaltegian edota  posta elektroniko hauetan:

sasiburu@gmail.com  edo berbaraka@hotmail.com

Anima zaitez sukaldaritza osasungarria ikasten euskaraz!!

Mintza eguna

Datorren ekainaren 4an  Mintza Eguna ospatuko da Elizondon. Ezkerraldeko berbalagunek autobusa antolatzeko asmoa dauka. Anima zaitezte!!

EGIN JAUZI KORRIKAREN ALDE

Hona hemen Barakaldoko AEK euskaltegiak Ezkerraldeko AEKide eta Berbalagun guztiei eskeini nahi dien ekintza:

Guztiok zubisaltoa egitera joatea "EGIN JAUZI KORRIKAREN ALDE" lelopean.

Esan beharra dago kriston baldintza onak eskeini dizkigula ERTZ enpresak : salneurri herrikoiak, euskara hutsez egingo dute zerbitzu osoa, eta Korrika petoak jantzita jauzi egiteko aukera edota agindua eman dute ere. Dena den, mezuan txertatuta dauden kartel eta zerrendan badaude prezio zehatzak eta data, martxoaren 12a, larunbata, ordua zehazteke.

Azkarateko zubian egingo litzateke, Azkoititik oso hurbil.Zalantzarik izatekotan, barakaldo@aek.org helbidera zuzendu eta ahalik eta lasterren argituko dizkizuegu.

Askoz jota 40 lagun joatea komeni da.

Triki poteoa Txitxarran: euskaraz barra-barra!!

Kurtsoa bukatzear dela ikusirik, AEK-ko lagunek Triki Poteoa antolatu dute ekainaren 25ean (ostirala) 20:00etan Txitxarrako Lagun Etxetik abiatuta. Argi dagoenez berbalagunok eta herriko euskaltzale guztiok gonbidaturik gaude, eta euskara kalera atera behar dugula uste dugunez ederra litzateke bertan ahalik eta euskaldun gehien biltzea.
Giro jator, atsegin eta dibertigarria ziurtaturik izango dela ziurtatu didate. Antza denez, batek baino gehiagok irrikaz begiratzen dio ekaineko sasoi honi euskararen alde poteoren bat antolatzen dela dakielako, eta denon nahiak betetzen ahalegindu behar!!! Ez gara gu izango poteo bati ezetz esango diogunak. Honenbestez, berbalagunok pozik eta gogotsu parte hartuko dugu triki poteo honetan. Areago lehengo poteotan zein ondo pasatu dugun kontuan hartuz gero!!

Meatzari museora berbalagunokin!!

Larunbat goizeko berbalagunek beste ideia liluragarri bat plazaratu digute: Gallartako Meatzari museoa bisitatzea ekainaren 12an (larunbata). Bisita 12:00etan denez, 11:30ean lotuko gara tren geltokian. Bisitak 3 euro balio du. Etorri nahi baduzu bidaliguzu email bat ekainaren 9a baino lehen. Hona hemen bertan aurkituko dugunaren laburpentxoa:
Hamabost urte jardunean egon eta gero, Meatzaritzaren Museoa Kultur Elkartearen bildumak burdin ustiategietako pieza, lanabes eta makina ugari eskuratu ditu. Materialon artean nabarmenena mea garraiatzeko bagoi eta bagoitxoen bilduma da, Euskal Herriko handiena. Aipatzekoak dira, modu berean, berreskuratu diren balde-lerroen astoak eta mea garbitzeko tromelak eta abar. Neurri txikiagoko piezen artean, eguneroko erabilerako elementu batzuk aipatu ahal ditugu: erauzketa-tresnak (mailuak, aitzurrak…), lanparak, txokloak (oinetako tipikoak), teodolitoak, laztabinak, zulatzeko koilaratxoak, bagoiak kontatzeko abakoak eta abar. Kasu askotan, pieza hauek Bizkaiko meatzaritzaren urrezko garaitik (XIX. mendearen bukaera eta XX.aren hasiera) gordetzen diren bakarrak dira.

Barakaldotik Gueñesera, bizikletaz

Jakina da gure herrian zuek berbalagunok hilabetero ikastaroren bat antolatzen duzuela. Hilabete honetan, ez gara, ohi bezala, eremu itxi batean geratuko eta kalera aterako gara; eta gurekin batera, euskara aterako dugu. Hobe esanda, hilabete honetan berbalagunok bidegorrira aterako gara, gure bizikletekin.



Dabid astearteetako berbalagunak maiatzaren 22rako (larunbata) Kadaguaren ibilbidea (Barakaldotik Gueñesera joan-etorria) txirringaz egitea proposatu digu eta guk Ezkerraldeko euskaltzale guztiak (eta inguruetakoak ere, jakina!) gonbidatu nahi ditugu. Dabiden plana honako hau da:






Biltzeko hiru gune/ordu dauzkazue:

a) Goizeko 8:45etan. Barakaldoko Ansio Metro inteeran. Handik Zorrotzara joango gara (3'5km).

b) 9:00etan. Zorrotzako kiroldegian, (Renfe geltokiaren ondoan dago). Zorrotzatik Alonsotegira (5km).

c) 9:20etan. Alonsotegiko, "Irauregi" Feve geltokian.
Alonsotegitik Gueñesera abiatuko gara (20km). Itzultzeko, Feve zerbitzua dago nahi duenarentzat. Barakaldotik 50 km dira, joan eta etorri. Ibilbidearen mapa ikusi nahi baduzue, egin klik hemen. Behin hiritik irtenda, oso bide erreza eta ederra da, bidegorrietatik.
Egun horretan euria egiten badu, plana bertan behera geratuko da.
Izena emateko eguna markatuko dugu, maiatzaren 22an zenbat elkartuko eta zenbaten zain egon behar dugun jakiteko. Horretarako e-maila idatzi behar diguzue, maiatzaren 20a baino lehen, eta zuen izen-abizenak aipatzeaz gain, zein herritakoak zareten esan behar diguzue eta zein gunetan elkartuko zareten berbalagunokin.
Animatu eta etorri gurekin pedalei eragitera! Ez kezkatu, erritmo lasaian joango gara, ez pentsatu profesionalentzako irteera denik!

Aldez aurretik, eskerrik asko, Dabid, txango hau antolatzeagatik (kartela eta guzti!)!

Ei berbalagun eta euskaltzaleok, ez geratu etxean eta ekin euskarari!!!

Dakizuenez otsailaren hasieran berbalagunok El Pobal burdinolara joan ginen. Argazkiak eta kronika ikusteko honen gainean klikatu ahal duzue.


Era berean Mamarigako Kultur Etxeak antolatutako ipuin kontaketa tailerrean berbalagun askok parte hartu dute. Hemen klikaturik argazkiak eta kronika ikusiko dituzue.

Eskolako haurrek Winkiren zaldia filma ikusi ahalko dute 09:30ean SKAn otsailaren 23 eta 24an Udal Euskara Sailaren eskutik Euskara Zine aretoetara ekimenaren barruan. Informazio guztia blogean duzue.

Haurrek eta gurasoek Ipuin Kontalariekin gozatzeko aukera izango dute otsailaren 24an osteguna 19:30ean Las Viñas liburutegian Udal Liburutegi Sareak antolaturik. Gehiago hemen klikatuta.

Berbalagunok otsailaren 27an larunbata Larre Gain sagardotegira abiatuko gara 17:30ean Parkeko arkupeetatik AEKri esker. Izena emateko bidali email bat, pasatu AEKtik edo deitu telefonoz:94 493 80 71. Xehetasunak blogean

Hartu txirrindula!!!

Hurrengo ekainaren 21-22an Plazaolara joango gara Sasiburu eta Getxoko euskara elkarteko lagun batzuk bizikletaz ibiltzera, bertako bide berdetik.

Printzipioz zapatuan abiatuko gara, alokaturiko furgoneta batean bizikletak sartu ( bestela bertan bizikletak alokatzeko aukera ere badago) eta ibilaldia egingo dugu bizikletaz. Ibilaldi lasaia da Lekunberri eta Lesaka inguruan egongo gara, jende guztiak egiteko modukoa.

Domekan kobazulo bat bisitatzeko aukera dago; bestela, bizikletan beste ibilaldi laburtxoagoak ere egin daitezke. Ondoren, buelta etxera.

30 € izango dira afaria, lo, gosaria eta bisita Astitzeko kobazuloetan.
Kideok autoz joango gara eta prezioari beraz, gasolina gehitu behako litzaioke ( auto batean lau lagun badatoz,, bada, hamarna euro edo)
-------------------------------------------
ANima zaitezte!!!

Mintza eguneko egitaraua eta mapak

Handitzeko klik egin argazkiaren gainean!

Euskal Astea Bagatzan

Handitzeko klikatu irudiaren gainean

Bizikleta irteera

Hurrengo larunbatean, apirilak 12, goizeko bederatzietan

Barakaldoko Ansioko metro geltokian gelditu gara bizikletan ibiltzen joateko.

Asmoa mehategiko trenbide ohiaren bidetik Barakaldotik Galdameseraino joatea da, tipi-tapa, presa barik!!!!

Informazio gehiago behar baduzue idatzi helbide honetara edo deitu 638 47 66 05 telefonora! Eskertuko genizueke animatuz gero, guri jakinaraztea!!!

EGUNKARIArekin elkartasuna

ASTEAZKENEAN, HILAK 20

EGUNKARIAREN ITXIERAREN 5.URTEURRENA DELA ETA, BILBON ARGAZKI MASIBOA ATERAKO DUGU!

19.30etan UDALETXEAN IZANGO DA

EUSKALGINTZAKO ETA INGURUKO PERTSIONA GUZTIEI PARTE HARTZEN GONBIDATZEN ZAITUZTEGU!

LArrU HAIZETARA

LARRU HAIZETARA

Otsailak 22, 19:00 etan

San Bizenteko Kultur Etxean

ANTZEZLAN HONETAN, GUZTIZ EZAGUNAK DIREN MIKEL MARTINEZ ETA PATXO TELLERIA DITUGU, "EZ DOK HIRU" BIKOTEATROKO KIDEAK

GAIA: gu geu (euskaldunok, zentzu zabalean)
HELBURUA: barre egitea (geure buruaz, batez ere)
AITZAKIA: geure bizitza sexual... tristea?
PROTAGONISTA: hizkuntza (euskara, kasu honetan)
ESTILOA: zoroa, nahiko zoroa
NORI ZUZENDUA: euskara, bizitza sexual eta barre egiteko gogoa duen edonori

"AKTUA" NON: edonon (tamainak ez dio axola)

Bikoteatro honen lanaren ezaugarriak,beraz, hauexek lirateke:
- Aktore-pertsonaia biren elkarrizketetan oinarritutako hitzezko umorea
- Euskara hutsez sortua eta eskainia
- Edozein txokotara heldu ahal izateko moduko formato txiki-arinean prestatua- Gertuko gizajendea da beti mintzagaia (euskara, euskal gizartea, kultura...)

ANTZEZLAN BIKAINA, GUZTION FARREAK LORTUKO DITUENA

Kontserba ikastaroa

Mamarigako Kultur Etxeak bere ikastaro berria aurkeztu nahi dizu.

Beronen izena "Kontserba Ikastaroa" da. Ikastaroa EHNEk (Euskal Herriko Nekazarien Elkartasuna) antolaturiko ikastaroen barnean dago sartuta. Lehen ere beraien ikastaro bat izan genuen gurean, "Sendabelar ikastaroa" hain zuzen. Ikastaroa 7 egunetakoa izango da Martxoaren 7an hasita (Apuntatzeko epea OTSAILAREN 29a), eta ordutegia 18:00tatik aurrera izango da.
Beti ere parte hartzera animatzen zaitugu, beraz edonolako informaziorik nahi izatekotan jar zaitez kontaktuan gurekin.
Autogestioa aurrera!! Kultur Etxea TTinko!!!

Umeentzako ekitaldiak otsailean