BARAKALDOKO HERRIEN ARTEKO XXVII. FOLKLORE JAIALDIA 2024

 Barakaldoko Herrien arteko Folklore Jaialdia 27. ediziora iritsiko da aurten. Beurko-Bagatzako Ibarra-kaldu elkarteak antolatuta, azaroaren 22tik abenduaren 8ra bitartean garatuko da jaialdia. 

JARDUERAK

• Kantu-afaria

Egitarauan duela bi urte sartutako berrikuntza, lagun kopuru ederra erakarri izan duena. Jaialdiko jardueretan modu aktiboan parte hartzeko moduko ekitaldiak bultzatzen jarraitu nahi da.

Afaria azaroaren 22an izango da, ostiralarekin, Ibarra-kaldu

elkartearen lokalean izango da eta 21:30ean hasiko da.

Menu arruntak 20 € balio du, eta haurrentzakoak 12 €.

• Zirku saioa

Azaroaren 23an izango da, larunbatarekin, 19:00etan, oso leku

berezi batean, Zirkodomoan, Barakaldoko Arauti kaleko karpan.

Sarrera kopurua mugatua da eta sarrerak aldez aurretik eskuratu

beharko dira, 3 € ordaindurik, Ibarra-kaldu elkartearen

bulegoan, astegunetan, 18:00-20:00 ordutegian.

• Dantza-lantegia: jota eta porrua

Aurtengo atariko azken ekitaldia dantza-lantegi bat izango da,

bertaratu nahi duen orori irekia, nahiz eta aldez aurretik emango

beharko den izena, telematikoki, QR kode jakin baten bitartez. 

Lantegiaren gidari lanean Sabin Bikandi izango dugu, Aiko

taldeko eta Bilboko Udak Txistu Bandako kidea.

Azaroaren 30ean izango da, larunbatarekin, 18:00etan,

Ibarra-kaldu elkartearen egoitzan, sarrera doan.

• Musika Eguna

Abenduaren 6an izango da, ostiralarekin, Barakaldo Antzokian

19:30ean, sarrera doan. 

Aurtengo bi talde gonbidatuak Euskal Herrikoak dira: Eibarko

Euskelga, Galiziako eta Euskal Herriko doinuak uztartzen dituena,

eta Barakaldoko bertoko Xukelak taldea. Horiekin batera, ohi denez,

etxeko Ibarra-kalduko musika taldea ere arituko da, berariazko

saio bat prestaturik.

• Dantza Eguna

Abenduaren 7an izango da, larunbatarekin, Barakaldo Antzokian, 19:30ean.

Edizio honetan, Gaztela eta León eta Murtzia erkidegoak dira

bisitatzen gaituzten taldeen jatorria. Batetik, Aranda de Dueroko

Alquería dantza-taldea,  bertako Udal Folklore Eskolakoa,

Burgosetik; bestetik, Peña huertana La Zaranda taldea, San Anton

Koru eta Dantza Folklore Elkartekoa, Murtzia hiriburutik bertatik.

Horiekin batera, jakina, Ibarra-kaldu taldea arituko da,

ohi den bezala, ekitaldirako berariaz prestatutako dantza ikuskizun

berezia ematen. 

• Kanpo Eguna

Abenduaren 8an izango da, igandearekin, Santurtziko Gernika

parkean, 12:30ean, sarrera doan. 

Ezkerraldeko udalerri batera itzultzen da jaialdia aurten,

hainbat urteren ondoren, eta, oraingo honetan, Santurtziko

Zugaitza dantza taldearen 50. urteurrena ospatzen laguntzearren.

Zugaitza taldearekin batera, anfitrioi lanean ere arituko baita,

Murtziatik eta Gaztela eta Leóndik bisitari datozkigun taldeek

ere jardungo dute.

https://youtu.be/qbbrUd_GTl0?si=fOvp0KdQC0HyGz_q

ZTANDAP ANTZEZLANA

 

SASIBURU elkartekook ostera ere ikuskizun aparta antolatu dugu:

            ZTANDAP  ANTZEZLANA

 "Ztandap” ikuskizun honetan ere Mirari Martiarenak eta Idoia Torregaraik generoa hartuko dute umoregai eta eguneroko gaiak lehertzen saiatuko dira betaurreko moreak jantzita. Horretarako orgasmo arrakala, maitasun erromantikoa, señorak eta elkarbizitza izango dituzte hizpide, besteak beste. Kritika eginez, deseraikiz eta barre eginez bazterrak eztanda arazteko prest daude!

      NOIZ: AZAROAREN 21ean, OSTEGUNA, 19:15ean.

      NON: CLARA CAMPOAMOR KULTURGUNEAN (SAN BIZENTE AUZOAN).

     ANIMA ZAITEZ ETA ERDU!! PRIMERAN PASATUKO DUGU!!

BARAKALDOKO MINTZODROMOA

Berriro ere Barakaldoko Mintzodromoa izango dugu laster. Animatuko zara euskara kalera ateratzen? Aukera ezin hobea duzu:

• Barakaldoko Mintzodromoa
• Azaroaren 19an, asteartean.
• Anaien parkean
• Bi saio:
• 10:30 – 11:30
• 18:30 – 19:30

• Izena emateko:
• 678 62 65 67 – whatsappa bidali.
• barakaldo_berba@aek.eus

                                 ANIMA ZAITEZ ETA PARTE HARTU!!

LAN ESKAINTZA

 

Udalak Barakaldo Euskaraz webgunearen eta gizarte-sareen dinamizatzaile lanpostu bat eskainiko du:

 6 hilabeteko kontratua
 Lanaldi erdia
 Euskarazko C1 maila behar da
 Lanbiden izena emateko: https://lc.cx/XMpRTM

GURE KULTURA KALEAN

Datorren larunbatean, Laguntasuna elkarteak musika eta dantza ikuskizun berezi bat eskainiko digu Arteagabeitia-Zuatzu auzoan!!! 

 "Gure kultura kalean" Musika eta dantza ikuskizuna 

NOIZ:  Azaroak 10 (igandea) 13:00etan.

NON: Kanarias plaza (Arteagabeitia-Zuazo)

XIBEROAKO IKASTOLEN ALDE

Aurten ere, Laguntasuna Elkarteak Xiberoako ikastolen aldeko Saski Salmenta Kanpainian parte hartuko du, ikastolen jarduerak finantzatzen laguntzeko gure aletxoa jarriz.

Eskualde bakoitzean, bertako euskara zein kultur elkarteek kudeatzen dute saskien banaketa, eta Ezkerraldea-Meatzaldean Laguntasuna da arduraduna. Aurreko urteetan erabilitako sistema mantenduko da edizio honetan ere: saskiak zuzenean ikaskoli.eus webgunean erosteko aukera dago, LAGUNTASUNA banaketa gunea  aukeratuz.

- Zure saskia(k) webgunean eskuratzeko azken eguna: azaroak 24

- Saskien banaketa abenduaren 13an egitea aurreikusi dute, eta gure egoitzan izango da (Elexpuru 7 behea, Barakaldo). 

Mila esker Xiberoako Ikastolen eta euskararen alde egiteagatik!

ERRIGORA SASKIAK

 

  Ekin eta ekin urteak dira jada Ager eremuko (Nafarroa erdi eta hegoaldeko) euskalgintza baliabidez hornitzeko lanean dabiltzala. Urtetik urtera apaltzen ez den elkartasun uholdeari esker da hori posible. Uholde hori osatzen duzuen tanta guztiok ezinbestekoak zarete.

   Urriaren 24tik azaroaren 14ra bitartean eskatu saski beltz, berde edo gorria errigora.eus webgunean. Saskien balioaren %25 ekarpen gisa doa Agerreko euskalgintzako eragileetara (Agerraldia, Ikastolak, AEK eta Sortzen).

      

Anima zaitez eta egin ezazu zure eskaera: errigora.eus webgunean

ORTU TAILERRA BEURKOKO INSTITUTUAN

 Beurko BHI-k institutuko ortua erein nahi du.Auzokideak gonbidatuta daude ekimen honetan parte hartzeko. Ortua nola kudeatu ikasiko dugu eta urtaro bakoitzean zer landatu modu praktikoan ikasiko dugu.

Animatzen bazara jarri kontaktuan 944288040 institutuko telefonora deituz.