Udatik bueltan, Laguntasunako kideak berriz ere 75. urteurrena ospatzeko
lanetan buru-belarri murgildu dira. Hori dela eta, irailaren 28an,
larunbata , San Bizente auzoan MAKALA FOLK II Musika Eguna ospatuko
dute, iaz arrakasta handiz martxan jarri zuten proiektua.
Hala ere, MAKALA FOLKaren hastapenak aurkitzeko pasa den mendera jo behar dugu, 1998ra hain zuzen ere. Urte horretan ospatu zuten LAGUNFOLK - Folk Gaua ekimenaren lehenengo edizioa, auzoko jaietan Laguntasuneko lokalean zeukaten txosna musikaz eta folklorez betetzen.Parte-hartzaileen eraginez eta denboraren poderioz, ekimena eboluzionatuz eta finkatuz joan zen.
Aurten, iaz berriz landatu zuten hazi hori indartzea dute helburu, eta horretarako, aparteko musikari zein luthierren eta lagun onen laguntza izango dugu, San Bizente berriz ere folk musikaz eta kulturaz betetzeko helburuarekin.
iruzkinik ez:
Argitaratu iruzkina