JUANA LIBURUAREN AURKEZPENA BARAKALDON

 

SASIBURU ELKARTEAK beste jarduera interesgarri bat antolatu dugu  datorren urteko urtarrilaren 31an.

         "JUANA" LIBURU AURKEZPENA. JON ARTANO IDAZLEA

JON ARTANO ETBko kazetaria eta idazlea Barakaldora ekarriko dugu bere liburu berri horren aurkezpena egiteko.

Juana nork eta zergatik hil zuen ulertzeko, krimena gertatu zen tokira bidaiatu, lekukoekin mintzatu, eta ikerketako agiriak arakatu ditu Jon Artanok. Behatxuloa dago orriotan Amerikako gatazka armatu zaharrenari begiratzeko, horko logika makabroa ulertu eta biktima bakoitzak inguruan sortzen duen samina sentitzeko. Literaturaren saskitik hartutako aparailuez txirikordatu du egileak Juanaren eta haren familiaren historia. Eta kazetaritzak zor duen zorroztasuna muturreraino eramanaz egin du hori, gerra garaiko Bizkaia eta gaur egungo Kolonbiako ertzik basatiena lotuz epopeia harrigarrian.

Juana liburuan, jakina, Juana Perea euskal jatorriko ekintzailearen bizitza, eta heriotza, da gai nagusia, baina bere familiaren historia ere josi dut lehendabiziko partean, eta historia horren zuztarrak zuenean daude.

NOIZ: URTARRILAREN 31an, arratsaldeko 19:00etan.

NON: KILIMA FAKTORIAN (SAN BIZENTE KALEA 45).

                              ANIMA ZAITEZ ETA ETORRI!!

JON MAIA BARAKALDO ANTZOKIAN

Jon Maiak 2021ean atera zuen Kantu bat gara, letragile modura azken 30 urteotan idatzi dituen kantuen antologia. Lan honek izandako arrakastaren bulkadarekin bi urteren ondoren bertsolari zumaiarrak lan berri bat ondu du: Kantu berri bat gara liburu-diskoa. Lan honetan Maiak jauzi bat egin du eta kantu berriak dira nagusi, bertsio batzuk badaude ere (Negu Gorriak, Gozategi, Gari eta Pello Reparazen kantuak). 

Horretarako, aurreko lanean bezala goi mailako kolaboratzaileak izan ditu lagun, esaterako: Itziar Ituño, Olaia Inziarte, Maddalen Arzallus eta Luis Pastor. Baina bat nabarmendu behar bada Silvio Rodriguez kantautore kubatarraren parte hartzea da, Nostalgia izeneko kantua euskaraz abestuz.    

                   NON: BARAKALDO ANTZOKIAN

                   NOIZ: 2024ko otsailaren 3an. 20:00etan.

Informazio gehiago: https://www.teatrobarakaldo.com/eu/event/jon-maiakantu-berri-bat-gara/

NEGUAN ERE EUSKARAZ

 SASIBURU elkartekook beste jarduera sorta bat antolatu dugu urte hasiera honetan.Alde batetik, SAN BIZENTEko jaietan umeentzat edota familientzat ikuskizun dibertigarri bat dugu:

           NIALA MAGOA

             Horrez gain, SAN BIZENTEko jaietan ere hainbat urtez antolatu dugun ekintza ostera ere antolatu dugu.     

             PINTXO DASTAKETA.        

       Bestalde, urtarrila honetan ere  LIBURU AURKEZPENA antolatu dugu.

                                      ANIMA ZAITEZ ETA ETORRI!!                                                                                                                                                                    

JUANA LIBURUAREN AURKEZPENA BARAKALDON

 

SASIBURU ELKARTEAK beste jarduera interesgarri bat antolatu dugu  datorren urteko urtarrilaren 31an.

         "JUANA" LIBURU AURKEZPENA. JON ARTANO IDAZLEA

JON ARTANO ETBKO kazetaria eta idazlea Barakaldora ekarriko dugu bere liburu berri horren aurkezpena egiteko.

Juana nork eta zergatik hil zuen ulertzeko, krimena gertatu zen tokira bidaiatu, lekukoekin mintzatu, eta ikerketako agiriak arakatu ditu Jon Artanok. Behatxuloa dago orriotan Amerikako gatazka armatu zaharrenari begiratzeko, horko logika makabroa ulertu eta biktima bakoitzak inguruan sortzen duen samina sentitzeko. Literaturaren saskitik hartutako aparailuez txirikordatu du egileak Juanaren eta haren familiaren historia. Eta kazetaritzak zor duen zorroztasuna muturreraino eramanaz egin du hori, gerra garaiko Bizkaia eta gaur egungo Kolonbiako ertzik basatiena lotuz epopeia harrigarrian.

Juana liburua Barakaldon zergatik aurkeztu nahi dudan galdetu didate… Hauxe erantzuna, motzean: Pereatarren sustraiak zuen hirian daudelako. Bertakoa zen Juanaren familia. Han jaio ziren bere aita, eta osaba-izebak. Bertakoa zuten aitite ere: Andres Perea Gallaga, barakaldar petoa, Foruen Plazaren ondoko etxe batean jaioa, eta pertsona inportantea Barakaldoko eta, are, Euskal Herriko historian. Perea Gallaga EAE-ANVko kide garrantzitsuenetakoa izan zen gerra aurreko urteetan -Barakaldoko gazteen artean indar handia lortu zuen alderdi abertzale ezkertiarrak–. 1936an Agirre lehendakariaren jaurlaritzara batu zen, ogasun saileko goi-agintaritzan, eta Euzkadiko urrea atzerrira ebakuatzeko lanak zuzendu zituen. 800 kiloko altxorra faxisten atzaparretan jaustea eragotzi zuen Herbeheretara eramanaz Thorpehall ontzian, isilka eta azken orduan antolatutako misio sekretu batean.

Juana liburuan, jakina, Juana Perea euskal jatorriko ekintzailearen bizitza, eta heriotza, da gai nagusia, baina bere familiaren historia ere josi dut lehendabiziko partean, eta historia horren zuztarrak zuenean daude.

NOIZ: URTARRILAREN 31an, arratsaldeko 19:00etan.

NON: KILIMA FAKTORIAN (SAN BIZENTE KALEA 45).

                              ANIMA ZAITEZ ETA ETORRI!!

BERTSO SAIOA BARAKALDON

 Abenduaren 13an Barakaldoko Hizkuntza Eskolan  bertso saio ederra izango  dugu Barakaldoko Hizkuntza Eskolakoen eskutik.

NOIZ: Abenduaren 13an, 18:30ean.

NON: Hizkuntza eskolako areto nagusian.

Bertsolariak: Oihana Bartra eta Arkaitz Estiballes.

Gai-jartzailea: Ander Ezeiza barakaldarra.

SASIBURU SARIA 2023

 Idoia Anzorandia Kareaga bertsolari barakaldarra izan da aurtengo Sasiburu saria, zorionak!

NI ETA NITARRAK ANTZEZLANA BARAKALDON

SASIBURU ELKARTEkook beste antzezlan dibertigarri bat antolatu dugu AEDkoen laguntzaz.

                               NI ETA NITARRAK antzezlana.

"Gure protagonistari gauza bera gertatzen zaio bizitzarekin, euskalduntasunarekin, helduaroarekin eta maitasunarekin: saiatzen da ahalik eta ondoen eramaten, arrakasta izaten, baina kostatu egiten zaio haien mekanika ulertzea, eta nolabait gauzak aldrebes egitenbukatzen du askotan. Berriki, ordea, mediokritatearen xarma deskubritu du, eta hartaz gozatzen du orain."

 Maria Oses-ek idatzitako testua dugu,eta  Iholdi Beristain aktorea eta AED elkarteak ekoiztuta (Aurten Arrasateko euskara elkarteak bere 40. urtemuga ospatuko du).

NOIZ: ABENDUAREN 13an, ASTEAZKENA, 19:15ean.

NON: CLARA CAMPOAMOR KULTUR ETXEAN.

       ANIMA ZAITEZ! PRIMERAN PASATUKO DUGU ETA!

                                   Beti bezala DOHAINIK!

“3ko hamaikakoa” – Euskararen Nazioarteko Eguna

Euskararen Nazioarteko Eguna hain gertu dagoenez, eta aurreko urteetako joera berberari jarraikiz, zergatik ez dugu aprobetxatzen kontzertu musikatu batez gozatzeko?

Gainera SASIBURU elkartekook azken urteotan lez, SASIBURU SARIA banatuko dugu Barakaldoko euskalgintzan nabarmendu den pertsona edo saltoki edo erakunde bati eman ohi duguna.

Aurten Barakaldoko euskaltzale ezagun bati emango diogu.Nor ote da? Jakin nahi baduzu, anima zaitez eta etorri!!

• 3ko hamaikakoa:
  • Kontzertua – 80. hamarkadako soinu banda, erraietatik sortutakoa.
  • Sasibururen Euskara Saria

• NOIZ: Azaroak 29 (asteazkena).19:30ean.
• NON:  Clara Campoamor Kultur etxean.

                 ANIMA ZAITEZ ETA ERDU GUREKIN!!