ENKARTERRIKO BERTSOLARI TXAPELKETA

 LARUNBAT HONETAN, MAIATZAK-5, ARRATSALDEKO 17:30EAN ENKARTERRIKO BERTSOLARI TXAPELKETAREN  FINALA IZANGO DUGU BARAKALDOKO SAN BIZENTEKO KULTUR ETXEAN.

ANIMA HADI ETA HATOR GEURE ESKUALDEKO BERTSOLARIAK  ENTZUTERA.

  

EZKERRALDEKO EUSKAL AGENDA

Hemen daukazue maiatzeko euskal agenda geure ezkerraldean. Anima zaitezte eta parte hartu berbalagunen jardueretan!!

BARRY BARREZ umorezko saioa

 SASIBURU elkartekoek euskarazko beste ekitaldi gozagarria antolatu dugu apirilaren 26an San Bizenteko Kultur Etxean:  BARRY BARREZ.
Hona hemen ekitaldi honen nondik-norakoak:

Barry Barrezek - urte pare bat daramatza Euskal Herrian umorezko bakarrizketak egiten, batzuetan bakarrik bestetan taldekideekin batera. An Seanacha-ki gaelikoz ipuinlari esan nahi du. Beste garai batean, herriz herri joaten ziren ipuinak kontatzen afari eta lo egiteko leku baten truke. Inguruko biztanleak berarengana hurbiltzen ziren honen istorio interesagarri, dibertigarri, triste eta bitxiak entzutera.
Gaur egun Seanachai pertsonaia zoritxarrez desagertu da eta horrekin batera neurri batean helduentzako ipuin kontalarien tradizioa.
Euskal ikusleei zuzendua, Barry Barrez-ek eskainitako Road Show honek, irlandar ipuinlari tradizio hau jarraitzen du, teknologia berriak, irudiak eta bideo klipak lagunduta.

ZER: BARRY BARREZ.

NON: SAN BIZENTEKO KULTUR ETXEA.

NOIZ: APIRILAREN 26AN, OSTEGUNA, 19:30EAN.

Berbalagunak mendira

Mendizaletasuna eta euskara maite dituzuenok sekulako aukera daukazue larunbat honetan, martxoak 24, mendilagunak Aralarreko Intzako Dorrera joango dira. Honetarako, 09:00etan geratu dira Santurtziko tren geltokian. "Sherpa" nagusia bajan egon arren, irteera egiteko gogoz daude.

Aralar mendilerroko mendirik garaiena da, baina erraz igotzen da. Oso aukera ona argazki ederrak ateratzeko baita lagun berriak egiteko ere.

Izena emateko: ezkerraldea@aek.org.

LABURBIRA 2012. FILM LABURREN ZIRKUITOA

SASIBURU ELKARTEKOEK DATORREN MARTXOAREN 20AN, ASTEARTEAN, ARRATSALDEKO 19:00ETAN BESTE EUSKARAZKO EKITALDI BAT ANTOLATU DUGU  TOPAGUNEAREN LAGUNTZAZ.

LABURBIRA 2012.   FILM LABURREN ZIRKUITUA

NON: SAN BIZENTEKO KULTUR ETXEA 
NOIZ: MARTXOAREN 20AN, 19:00 ETAN.

Asier Altuna hizkuntza eskolan

Hizkuntza eskolako lagunek hitzaldi interesgarria antolatu dute ASIER ALTUNA zinema zuzendariarekin.
NOIZ: Martxoaren 27an, arratsaldeko 17:00etan.
NON: Barakaldoko hizkuntza eskolako liburutegian.

GAI JARTZAILE IKASTAROA

  KILIKA BERTSO ESKOLAKOEK OHARTXO HAU BIDALI DIGUTE GAI JARTZAILE IKASTARO BATI BURUZ.

Epa bertsozale!

Bertsolaritzaren mundua gustuko baduzu, animatu Enkarterriko bertso eskolek (gure eskualdekoa den Kilika barne) Bizkaiko bertsozale elkartearekin batera prestatu duten gai jartzaile ikastarora etortzen.

Gaiak sortzeko teknika ezberdinez gain, aurkezle izateko gomendioak ere landuko dira.

   Martxoaren 10ean 

   Goizeko 10.30etatik 12.30etara.

    NON: Zallako kultur etxean.

 

Ezkerraldeko euskararen agenda

Hementxe duzue martxoko euskararen agenda.Jarduera hauetaz gain martxoaren 20an SASIBURU elkartekook Laburbira film laburren emanaldia antolatu dugu. Informazio zehatzagoa emango dugu blog honetan.