BARAKALDOKO BERBALAGUNAK ABIAN BERRIZ

 

BARAKALDOKO BERBALAGUN. 14. edizioa martxan da.

Hasiak dira mintzapraktika programak

Aurten ere, Barakaldoko Berbalagun zerbitzutik hainbat aukera eskaini nahi dizkizugu: astean behin mintzataldean bildu eta patxadaz hitz egin; Gurasolagun egitasmoko tailerrak; bestelako jarduerak, hitzaldiak, txangoak, irakurzale-klubak, paseatzeko taldeak... Beraz, interesik baduzu, eman izena, zabalik dago-eta horretarako epea. Primeran sentituko zara denetan zure helburua beteta: euskara praktikatzea eta lagun berriekin euskaraz egitea.

Oraindik ere ezohiko egoeran jarraitzen dugunez, pandemia dela eta, beharrezko prebentzio-neurri guztiak hartuko ditugu mintzapraktika taldeetan eta ekitaldi guztietan. Horrez gain, aurrez aurreko eskaintza osatze aldera, urriaren amaieran ONLINE taldeetan parte hartzeko aukera luzatuko dugu.

Parte hartzea DOHAINIK da, eta hamaika abantaila daude; deskontuak, opariak...  Gainera, izena ematen duzuenon artean hilero-hilero 

10 SARI-KUTXA  zozketatuko ditugu.

Barakaldon, aurreko ikasturtean 219 lagunek praktikatu zuten 37 taldetan bilduta.

 IZENA EMATEKO bidali whatsapp bat 678 626 567 telefonora,

 Idatzi e-posta bat barakaldo_berba@aek.eus helbidera edo klikatu lotura honetan > http://emanizena.praktikatu.eus/

Zure zain daude, PRAKTIKATU EUSKARAZ GUREKIN!

HASI KURTSOA BERTSOTAN

KILIKA BERTSO ESKOLAkoek beste kurtso bat abiatzear daude.Hauxe da euren mezua:

 Hasi ikasturtea bertsotan!

KILIKA Ezkerraldeko bertso eskolatik gurera etortzeko gonbitea egin nahi dizugu.

Zuen zain daude!

EMAN IZENA: kilikabertsotan@gmail.com

IRAKURLE KLUBA. ODOLEKOAK LIBURUA

 

Barakaldoko Irakurzaleek aukeratu dute jada urrirako irakurriko duten liburua: Antxiñe Mendizabal Aranburu idazlearen Odolekoak eleberria. Behin irakurrita, Clara Campoamor Kultur Etxean elkartuko dira, urriaren 5ean, 19:30ean. 

1941ean hasi eta oraintsu arte, Iruñeko familia baten historia kontatzen digu nobelak, hiru belaunalditan zehar, hiru emakumeren bitartez: Matilde, Teresa eta Amaia, nor bere ama bilatzen eta ukatzen duten hiru matrioxka.

Unean uneko modak, gertakariak eta bizimoduak pasatzen dira ispilu ibiltari baten aurretik; gizartearen tenkak, borrokak eta aldaketak ageri dira kronika bizi honetan. Historia handiaren gainetik, ordea, hainbat jenderen istorioak ezagutuko ditugu: Echalucetarrenak, baina baita haien ahaide, neskame, lagun eta etsaienak ere.

Baina, batez ere, ama-alaba harremanei buruzko kontakizun sakon, gogor eta hunkigarria da esku artean duzuna: lotura zail, konplexu eta mingarria, sentimendu kontrajarriz osatua, edari bizi batzuen antzera, sartzean eztarria erre eta barrena luzaroan berotuko dizuna.

Horrez gain, Turista klasea liburuari buruzko kronika hemen klikatuta ikusi ahal izango duzu

Izena emateko: 

678 626 567 telefono edo barakaldo_berba@aek.eus e-postara jo.

"Azken esperantzaren guda.Noaingo bataila" HITZALDI-AURKEZPENA.

 

SASIBURU ELKARTEAk beste jarduera interesgarria antolatu du.

"Azken esperantzaren guda.Noaingo bataila" 

HITZALDI-AURKEZPENA.

Lur Barnea Aingeru Gorrotxategi musikariaren azken proiektua da, rock eta folk musikaren uztarketa berri bat. Rockaren indarra eta erritmoak euskal folkaren elementuekin nahasten dira, non albokak berebiziko protagonismoa duen. Euskal Herriko historia eta mitologia jorratuko du Lur Barneak.

PLAZA MUGATUAK.

ANIMA ZAITEZ ETA IZENA  EMAN:  info@sasiburu.eus

NOIZ: EKAINAREN 29an, 19:00etan.

NON: GURUTZETAKO KULTUR ETXEAN.

                   

EMAKUMEAK ZIENTZIAN.AZKEN PLAZAK

 

Sasiburu elkarteak ostegun honetarako antolatu duen egundoko jardueran izena emateko azken plazak dauzkagu. 

 "Emakumeak zientzian" mahai ingurua

 Ana Picallo

 Izortze Santin

 Nerea de Miguel

 Eider Nuñez

 Arantza Muguruza

 

 Ekainak 24

 Clara Campoamor Kulturgunea (San Bizente auzoan).

 18:30ean

 

 Plaza mugatuak : info@sasiburu.eus 

ANIMA HADI ETA ERDU!!

MINTZATALDEAK UDAN.

Barakaldoko euskaltzaleek aukera izango dute udan euskaraz mintzatzeko hainbat egun eta ordutegitan. Izan ere, sei talde osatu dira euskaraz praktikatu eta bizitzeko.

UDAN EUSKARAZ ERE SEGURU!!

LUR BARNEA PROIEKTU MUSIKALAREN AURKEZPENA

 

SASIBURU ELKARTEAk beste jarduera interesgarria antolatu du.

"Azken esperantzaren guda.Noaingo bataila" 

HITZALDI-AURKEZPENA.

Lur Barnea Aingeru Gorrotxategi musikariaren azken proiektua da, rock eta folk musikaren uztarketa berri bat. Rockaren indarra eta erritmoak euskal folkaren elementuekin nahasten dira, non albokak berebiziko protagonismoa duen. Euskal Herriko historia eta mitologia jorratuko du Lur Barneak.

  Ekainaren 10ean, lehenengo abestia estreinatu zen  Lur Barneako YOUTUBE kanalean. "Azken esperantzaren guda" (Noain 1521-2021) da lehenengo kantaren izena eta Martintxo Altzueta marrazkilariaren ilustrazioetan oinarritutako bideoklipa izango da. Aurten Noaingo batailaren 5. mendeurrena ospatuko da (1521/06/30), bataila garrantzitsu bezain ezezaguna, eta bertan batailaren gorabeherak eta ondorioak azaltzen dira.   

Aingeru Gorrotxategi Alemanian bizi zela, 2004 eta 2008 urteen artean, behin Königstein herrian ospatzen zen Erdi Aroko jai batera joan zen eta han garai hartako musika estiloa jotzen zuten taldeak ezagutu zituen. Esperientzia hartaz lituraturik, In Extremo, Schelmish, Subway to Sally, Omnia eta antzerako taldeak jarraitzen hasi zen. Rock eta folk musika uztartzearen ideia hori euskaraz egiteko asmoa buruan izan zuen ordutik eta 2015ean abestiak konposatzen hasi zen eta 2021ean jaio da Lur Barnea. Horretarako, Poloniako Poznan hiriko musika jaialdi batean ezagutu zuen Eneko Benito (Garilak 26) albokariarekin elkartu da abentura berri honetan.

Ekainaren 10ean, lehenengo abestia estreinatu zen  Lur Barneako YOUTUBE kanalean. "Azken esperantzaren guda" (Noain 1521-2021) da lehenengo kantaren izena eta Martintxo Altzueta marrazkilariaren ilustrazioetan oinarritutako bideoklipa izango da. Aurten Noaingo batailaren 5. mendeurrena ospatuko da (1521/06/30), bataila garrantzitsu bezain ezezaguna, eta bertan batailaren gorabeherak eta ondorioak azaltzen dira.

PLAZA MUGATUAK.

ANIMA ZAITEZ ETA IZENA  EMAN:  info@sasiburu.eus

NOIZ: EKAINAREN 29an, 19:00etan.

NON: GURUTZETAKO KULTUR ETXEAN.

GURASOLAGUN.EMAN IZENA.

 Hurrengo ikasturtean ere Barakaldon euskara bultzatu nahi dugu familien barruan. Guraso euskalduna bazara eta ez badaukazu norekin hitz egin euskaraz, edota euskarak familia barruan toki handiagoa izatea nahi baduzu, hauxe da zure aukera, izan Gurasolaguna! Euskaraz aritu eta jolasteko elkartuko gara guraso eta seme-alabak, denok batera, gure txikian, apurka-apurka gauza handiak egiteko

ANIMA ZAITEZ ETA EMAN IZENA!!

telefonoa: 678 626 567

e-posta: ezkerraldea@aek.eus