Hizkuntz eskubideak

Geure bazkideetako batek honako kexa hau luzatu digu Euskadiko kutxako sukurtsal batean izandako esperientziaz:


 Atzo Barakaldoko Foruen etorbidean dagoen sukurtsalera joan nintzen transferentzia bat egitera eta 55 minutu itxaron behar izan nituen (12:55etatik 13:50etara).

Heldu eta jarraian harrera mahaira joan nintzen eta libre zegoen pertsonari, euskaraz, transferentzia bat egin nahi nuela esan nion. Gizonak gaztelaniaz hitz egiteko esan zidan eta nik euskaraz zekien norbaitekin aritzea nahiago nuela esan nion. Orduan gizonak mahai batean zegoen Oierrengana joateko esan zidan. Argitu nahi dut, biok adeitsuak izan ginela eta zentzu horretan ez zela inolako arazorik egon.

Kontua da, Barakaldon 10.000 euskaldun inguru daudela. Ni beste sukurtsaletako bezeroa izan naiz eta beti euskaraz aritu arren inoiz ez dut hainbeste denbora itxaron behar izan era guztietako erakigetak egiteko (etxe bizitza kontua, mailegua, errenta aitorpena eta abar). Eta are gutxiago transferentzia sinple bat egiteko. Euskadiko Kutxan ia ordu bat itxaron behar izatea dagoen eragiketarik errazena egiteko onargaitza iruditzen zait. Salagarria ere, eta hau da kexa honen arrazoia.

Foruen etorbidean dagoen sukurtsal handi honetan, Euskal Herriko euskalkiak erakusten dituen mapa ezagun bat dago, bi metro inguruko neurrikoa. Euskararekiko atxikimendu hori transmititzea eta gero hainbat langiletik (hamar bat inguru ikusi nituen) euskaraz hitz egiten dakien pertsona bakarra egotea lotsagarria iruditzen zait. Mota guztietako eragiketak egiteko pertsona bat bakarra izatea (kredituak, diru-sarrerak, pertsioak, transferentziak, kontu berriak, hipotekak...) ez da bat ere praktikoa, lehenik eta behin bezeroentzat. Kutxak benetan Barakaldoko euskaldunon artean bezeroak irabazi (edo besterik gabe mantendu) nahi baditu, egoera hau konpondu gabe jarraitu ezin duela iruditzen zait.

Nire iritzia kontutan izango dituzuelakoan eta hau konpontzeko erabakiak hartuko dituzuelakoan, jaso itzazue nire agurrak.





                        

IPAR HAIZEAREN KONTRA antzezlana

 Datorren urtarrilaren 22an, igandea, arratsaldeko 19:00etan euskarazko antzezlan bat ikusteko parada izango dugu: IPAR HAIZEAREN KONTRA.
Daniel Glauttauer idazlearen Gut gegen Nordwind eleberrian oinarritutako obra da eta Fernando Bernues da zuzendaria.
Hemen duzue antzezlan honen  nondik norakoak:
Emmi Rothener-ek LIKE aldizkariko harpidedun izateari utzi nahi dio. Hori dela eta, mezu bat bidaliko die argitaletxekoei. Okerreko helbidera bidaliko du, eta Leo Leikeren postontzira helduko da. Otsailaren amaieran, Emmik aldizkaria jasotzen jarraitzen duenez, beste mezu elektroniko bat bidaliko du. Mezua berriro Leori helduko zaio. Emmik barkamena eskatuko dio eta hala, poliki-poliki sakontzen joango den harremana sortuko da eta elkarrenganako dependentzia handitu egingo da.

Olentzero Beurko-Bagatzan

Urtero bezala IBARRAKALDU dantza taldekoek eta Beurko Bagatzako kultur Bilgunekoek Olentzeroaren etorrera ospatzeko zenbait jarduera antolatu dute.

ANIMA ZAITEZTE ETA PARTE HARTU!!

Bi euskarazko filma gabonetan

BARAKALDOKO ANTZOKIAN PARE BAT FILM IKUS DEZAKEGU GABON HAUETAN:

MYSTICAL
Hementxe duzue filmaren laburpena:

Hasierako denboraren zurrunbiloaren ilunean deabruak ziren jaun eta jabe lurrean. Desberdinen arteko borroka latzaren ondorioz, giza arraza behin betiko galtzeko zorian zegoen. Halako batean, tribu handienetako aztiak bildu egin ziren, beren indarrak batzeko asmoz, batu ere, deabruak atera ziren putzura berriro bota, egotzi eta azpiratu nahian, bildu ere. Gizateriaren biziraupena kinka larrian zegoen, aztiek egin zezaketenaren esku.

NOIZ: 2011KO ABENDUAREN 27AN, EGUERDIKO 12:00ETAN.
SALNEURRIA : 2 EURO

Hiru Mosketariak

Hiru Mosketariak’ (‘The Three Musketeers’), Dumasen lan hilezkorraren moldaketa berria, Paul W.S.- k ikuskizun ikaragarri bihurtu du. Akzioa, amodioa eta abentura nahastu ditu, kortseak eta luma kapelak, garaiko tipikoak izan arren, arretarik bereganatu ez dezaten lortuz.

NOIZ: 2011KO ABENDUAREN 30AN, EGUERDIKO 12:00ETAN.
PREZIOA: 2 EURO

GABONETAKO PROGRAMA KULTUR ETXEETAN

GABONETAKO PROGRAMA KULTUR ETXEETAN

ZUHATZUKO KULTUR ETXEAN
Abenduaren 23a
“Munduko ipuin eta elezaharrak”
18:30ean (5etatik 11 urtera)
* Gonbidapenak zentroan jaso daitezke
abenduaren 12tik aurrera

ERREKAORTUKO KULTUR ETXEA

Abenduaren 27a
KORRI ETA SALTO “Entresaka” PAILASOAK.
18:00etan (4tik 9 urtera)
* Gonbidapenak zentroan jaso daitezke
abenduaren 20tik aurrera

ZUHATZUKO KULTUR ETXEA
Urtarrilaren 2a
PEPA ETA KUTXO PAILASOAK
18:00etan (4tik 9 urtera)
* Gonbidapenak zentroan jaso daitezke.

ERREKAORTUKO eta BURTZENAKO KULTUR ETXEA
OLENTZERO JAIA.
Abenduaren 23a
17:30ean (4tik 9 urtera)
* Gonbidapenak zentroan jaso daitezke abenduaren
20tik aurrera

CLARA CAMPO AMOR KULTUR ETXEA
Urtarrilaren 2, 3 eta 4a
“Gaur denok jolastu behar dugu” UMEENTZAKO ANIMAZIO JAIA.
18:00etatik 19:30era (5etik 11urtera)

GURUTZETAKO KULTUR ETXEA
Urtarrilaren 4a
JAKIN ETA JOLAS “Eskeletoa mugitzen” FAMILIA JOKOA.
18:00etan (4tik 11 urtera)
* Gonbidapenak zentroan jaso daitezke abenduaren 20tik aurrera

Sukaldaritza tailerreko argazkiak

Azaroan sukaldaritza tailerra burutu genuen Gurutzetako kultur etxean. Hamabi lagun batu ziren eta giro ona izan zen. Hemen dituzue ikasleetako batek, Juanmak, atera zituen argazkiekin prestatu dituen irudiak.

Sagar eta mahaspasa budina:

Potxak txokoarekin:

URTE BERRI ON AMONA FILMA

Abenduaren 20an,gaueko 20:00etan,Barakaldoko antzokian pelikula dibertigarria ikusi ahal izango dugu, URTE BERRI ON AMONA filma

JON MARTIN idazlea Hizkuntza Eskolan

Abenduaren 22ean,ostegunean, goizeko 10:00etan, JON MARTIN idazlea, BARAKALDOKO HIZKUNTZ ESKOLAN, ERO ipuin harrigarriez osatutako bere liburuaz mintzatzeko.