Sasiburu: 2026

2026-03-16

KORRIKA "Iragana, oraina eta geroa" TERTULIA

MunduaKonpontzekoTertuliak aste honetan! Apuntatu agendan hurrengo topaketa!

Gaia: #Korrika, iragana, oraina eta geroa.

NOIZ: Martxoak 18, 19:00etan.

NON: Barakaldoko AEK

Izen-ematea: 678626567 / barakaldo_berba@aek.eus

2026-03-09

ASTE HONETAKO AGENDA

ADI!! ASTE HONETAN ERE EUSKARAZKO HAINBAT JARDUERA IZANGO DUGU!!

2026-03-03

ZINEFORUMA: HOGEITA BAT DOKUMENTALA

SASIBURU ELKARTEkook beste jarduera interesgarri bat antolatu dugu:

ZINEFORUMA: HOGEITA BAT DOKUMENTALA

"Guraso zuri batzuk 11 hilabeteko neskatila bat adoptatu zuten Txinan. Hogeita bat urte geroago, jada heldua den neskato horrek kontatzen du nola bere begiak gorrotoaren lekuko bihurtu diren, arrazista ez dela dioen herrialde batean."

NOIZ: MARTXOAK-12, OSTEGUNA,19:15ean.

NON: CLARA CAMPOAMOR KULTURGUNEAN.

Dokumentalaren egilea den Elene Larrinaga Bilbao ere gurekin izango dugu bere dokumentala hizketagai izanez.

ANIMA ZAITEZ ETA ERDU!!

Berria egunkarian arestian elkarrizketa bat egin zioten Eleneri.Ondoko esteka honetan duzue elkarrizketa hori:

Berria.eus

2026-03-02

BARAKALDOKO KORRIKAREN AURKEZPENA.ZUHAITZ LANDAKETA

Aste honetan euskarazko zenbait jarduera interesgarri izango dugu.Hasteko, Euskararen aldeko mugimendu kolektibo eta hunkigarriena ate joka dugu berriro ere. 24. Korrika badator, eta Barakaldon izango dugu aurtengo edizioaren aurkezpena Martxoaren 4an, 19:00etan, Laguntasuna Elkartearen lokalean (Elexpuru Kalea 7, San Bizente).

Bestalde, Zuhaitz landaketa antolatu ditu Barakaldoko Eguzkik, Sasiburu elkartearen, Sukar Horiaren, Eguzkizaleak konpartsaren eta Bagatzako kontsumo taldeen laguntzaz Landaketa martxoaren 7an egingo dugu. Beurko Berria bus-geltokitik abiatuko gara, baina autobusez. Persona helduak, 3 euro; haurrak, doan.

Martxoak 7

Irteera, 9:00etan, Beurko Berria bus geltokitik. Autobusa 3 € helduak eta haurrak dohainik.

10:00etan, zuhaitz landaketa.

13:30ean, bazkaria Larrabetzuko txoko batean. Dohainik.

16:30ean, itzulera.

Izenematea: eguzkibarakaldo@gmail.com edo sasiburu@gmail.com

Oharra: botak eraman behar dira eta, badaezpada, aldatzeko arropa.

2026-02-27

"MATTALINGO ALABA" ZOZKETA

Mikel Etxabururen "Manttalingo alaba" ikuskizuna Barakaldo Antzokian.

ZOZKETA!

SASIBURU ekarteak 2 sarrera bikoitzen zozketa egingo du, eman izena astelehena baino lehen: https://labur.eus/ManttalingoZozketa

Info.+: https://www.teatrobarakaldo.com/eu/event/manttalingo-alabamikel-etxaburu/

"Oroituko ditugu Saturrarango kartzelan ito ziren emakumeen ekaitzak eta labarrak.

Orain udatiarrek autokarabanak aparkatzen dituzten toki berean egon ziren gatibu 4.000tik gora emakume. Itsasoak denen izenak dakizki. Banaka-banaka oroitzen ditu han hil ziren 166 andra, haur eta gazte. Oroitzen ditu errudun sentitzen delako, ez zelako oldartu arroken kontra, eta horren ordez, hildako haurren izenak ezabatu zituelako, olatuz olatu eta malkoz malko. Manttalingo alaba poema liburua oinarri hartuta, haien izenak ikasiko ditugu.
Oroitzen dugun hori garelako, eta oroitzen ez dena ez baita inoiz gerta; ez bizi, ez hil."

2026-02-26

ERRIGORA UDABERRIAN

Udaberrian Nafar hegoaldeko uzta eskutik eskura. Eguneroko kontsumo ohituretan eragiteko jaio zen kanpaina honetan Nafarroa hegoaldeko oliba-olio birjina estra eta kontserba-sortak eska daitezke, auzolanari esker, norbere herrian ekoizlearen jatorrizko prezioan. Olioa 5 litroko bidoietan banatzen da eta kontserbak 12 ontziko sortetan, planteamendua urte osorako beste eskatzea da eta.

Honezkero ezagutzen dituzu produktuak, baina, segur aski, batzuk besteak baino gustukoago izango dituzu. Martxoaren 18ra arte Nafarroa hegoalde eta erdialdeko oliba-olio birjina estra, ardoak, kontserbak, arroza, pasta, lekaleak eta fruitu lehorrak dituzu aukeran euskaraz etiketatuta eta, esan bezala, ekoizlearen etxean duten prezio berean.

Eskatu gustukoen dituzun produktuak, ekoizlearen jatorrizko prezioan

Errigoraren Eskutik Eskura kanpainan despentsa urte guztirako betetzeko gonbidapena egiten dizute. Horregatik, formato handietan eskaintzen dituzte produktuak: 5 litroko olio bidoiak, ardoa 5l-ko bag-in box edo 6 botilako lotea, 12 unitateko kontserbak/pasta/arroz konbentzioala, 6 unitateko arroz ekologiko/arbendola loteak.

EGIN EZAZU ZURE ESKAERA: ERRIGORA

2026-02-23

ASTE HONETAKO AGENDA

Aste honetako KulturAgenda prest!!!

Bihar Clara Campoamor kulturgunean:

2026-02-20

BASO BAT LANDATZERA.

Bi zuhaitz landaketa antolatu ditu Barakaldoko Eguzkik, Sasiburu elkartearen, Sukar Horiaren, Eguzkizaleak konpartsaren eta Bagatzako kontsumo taldeen laguntzaz.

Landaketak (guztira, 600 zuhaitz inguru) Larrabetzun izango dira. Lehendabizi, hainbat gaztainondo, sagarrondo eta beste frutarbola landatuko ditugu Aitorren lursailetan. Gero, mendian gora, ezkerreko maldan, bertoko basoa sartuko dugu: haritzak, lizarrak, urkiak eta beste. Helburua argia da: bertoko baso bat sortzea da, klima-beroketari aurre egiteko, gainbehera doazen hainbat espezieri babesa emateko eta, oro har, biodibertsitateari zein pertsonei on egiteko.

Lehenengoa landaketa larunbat honetan izango da, hilak 21. Goizeko 9:00etan abiatuko gara Barakaldoko Beurko Berria bus-geltokitik, autoetan. 9:30ean, berriz, Larrabetzuko Done Meteri eta Done Zeledon elizatik aterako gara, baso bat landatzeko prest.

Bigarren landaketa martxoaren 7an egingo dugu. Beurko Berria bus-geltokitik abiatuko gara, baina autobuses. Persona helduak, 3 euro; haurrak, doan.

Bi egunetan, zuhaitz landaketak egin eta gero, Larrabetzuko txoko batean bazkaltzeko aukera izango dugu.

HITZORDUAK

Otsailak 21

Irteera, goizeko 9:00etan, Beurko Berria bus-geltokitik. Autoetan joango gara, ea guztiak betetzen ditugun.

9:30ean, Larrabetzuko Done Meteri eta Done Zeledon elizatik aterako gara.

13:30ean, bazkaria Larrabetzuko txoko batean (dohanik).

Martxoak 7

Irteera, 9:00etan, Beurko Berria bus geltokitik. Autobusa 3 € helduak eta haurrak dohainik.

10:00etan, zuhaitz landaketa.

13:30ean, bazkaria Larrabetzuko txoko batean. Dohainik.

16:30ean, itzulera.

Izenematea: eguzkibarakaldo@gmail.com edo sasiburu@gmail.com

Oharra: botak eraman behar dira eta, badaezpada, aldatzeko arropa.

2026-02-17

ZUHAITZ LANDAKETA

Bi zuhaitz landaketa antolatu ditu Barakaldoko Eguzkik, Sasiburu elkartearen, Sukar Horiaren, Eguzkizaleak konpartsaren eta Bagatzako kontsumo taldeen laguntzaz.

Lehenengoa landaketa larunbat honetan izango da, hilak 21. Goizeko 9:00etan abiatuko gara Barakaldoko Beurko Berria bus-geltokitik, autoetan. 9:30ean, berriz, Larrabetzuko Done Meteri eta Done Zeledon elizatik aterako gara, baso bat landatzeko prest.

Bigarren landaketa, berriz, martxoaren 7an egingo dugu. Beurko Berria bus-geltokitik abiatuko gara, baina autobusez. Persona helduak, 3 euro; haurrak, doan.

2026-02-16

ASTE HONETAKO AGENDA

2026-02-14

MIGRAZIOA, ANIZTASUNA ETA BIZIKIDETZA

Euskaraz eztabaidatzeko gune bat gustatuko litzaizuke?Aktualitateko gaiei buruz mintzatu nahi duzu? Hauxe da zure taldea!!

MUNDUA KONPONTZEKO TERTULIAK:

MIGRAZIOA, ANIZTASUNA ETA BIZIKIDETZA

Izen ematea:

678 626 567
barakaldo_berba@aek.eus

ANIMA ZAITEZ ETA EMAN IZENA!!

2026-02-12

"ESNATU ALA HIL" HITZALDIA

SASIBURU elkartekook beste ekintza interesgarri bat antolatu dugu:

"ESNATU ALA HIL" LIBURUAREN AURKEZPENA-HITZALDIA.

Iñaki Iurrebaso eta garikoitz Goikoetxearen "Esnatu ala hil".Euskararen oraina eta geroa, diagnostiko baten argitan liburuaren aurkezpena Garikoitz Goikoetxearen eskutik.

Noraez gisako batean dago euskararen indarberritzea.Ez dira garai distiratsuenak.Premiazkoa da beste bultzada bat, orain artekoaz haragoko pausoak ematea,baina zantzu gutxi dago nondik eta nola ekin,are gehiago aldaketa handiko garai hauetan.

Helduleku izan nahi du liburu honek, euskararen bilakaera eta egoera zein den ohartzeko tresna.Begiak zabaltzeko ordua da, izan ere.Euskararen biharko ametsak esnatzea eskatzen baitu gaur.

NOIZ: OTSAILAREN 24an, asteartean, 19:00etan.

NON: CLARA CAMPOAMOR KULTURGUNEAN.