MAKALA FOLK III SAN BIZENTEN

 Laguntasunak MAKALA FOLK III ospatuko du maiatzaren 30ean San Bizenten.

Eguraldi onaren etorrerarekin batera, Laguntasunako kideak berriz ere buru-belarri murgildu dira MAKALA FOLK eguna antolatzeko lanetan. Hori dela eta, maiatzaren 30ean, larunbata, San Bizente auzoan jaialdi honen hirugarren edizioa ospatuko dugu, azken urteotan herrian arrasto berezia utzi duen ekimena.

Aurreko edizioetan bezala, musikak, kale giroak eta kultur tradizionalak izango dute protagonismo osoa egun osoan zehar. Programazioaren barruan, luthier azoka izango dugu, artisau ezberdinek euren instrumentuak eta lanak erakutsiko dituzten gunea; kalejirak ere ez dira faltako, auzoko kaleak musikaz eta giroz betez; eta arratsaldean, Rula eta Besaide taldeen kontzertuek emango diote amaiera egunari.

LAGUNTASUNAkoek Hainbat urtez errepikatu dute esperientzia berezi hau, eta Ezkerraldeko erreferente bilakatu da folk musikari dagokionez, txoko ezberdinetatik etorritako talde eta lagunei esker: Sugan, Dronadar, Kalima, Aragoiko Gaiteroak, Feile, Ceo do Sil… Eta nola ez, Laguntasunako musikariekin batera.

BARAKALDOKO MINTZODROMOA

 24. KORRIKAk utzitako sentsazio indartsuei helduta, AEK-k hainbat konpromiso hartu ditu. Izan ere, AEKk euskararen pizkunderako zer eskaini ahal duen erakutsi nahi dio Euskal Herri osoari. KORRIKAren 12. Eguneko mintzodromoa antolatu du. Honen helburua ez da hutsala: maiatzaren 21a izan dadila Euskal Herrian euskara gehien hitz egingo den eguna! 

  AEK-k hainbat mintzodromo antolatuko ditu egun horretarako, Euskal Herri luze-zabalean. Barakaldon, maiatzaren 21ean ospatuko dugu San Bizenteko eliz aurreko plazan 18:30ean. 

Animatuko zara euskara kalera ateratzen? Aukera ezin hobea duzu!

                        INFORMAZIOA: 688746484

 

ASTE HONETAKO AGENDA

  Aste honetako Euskararen Agenda prest! 

BARAKALDON ERROMERIAN

 Bueltan da 2026ko Barakaldo Erromerian programa! Eguraldi onarekin batera, Laguntasuna Elkarteak tradizioa bilakatu den erromeria txandari ekin dio.

              Animatu eta joan eurekin dantzaz gozatzera! 

HEISENBERG ANTZEZLANA BARAKALDO ANTZOKIAN

  Datorren larunbatean, maiatzak 9, Naiara Arnedoren eta Ramon Aguirreren "Heisenberg" antzezlana egongo da Barakaldo Antzokian.

ZOZKETA:

Sasiburutik 2 sarrera bikoitzen zozketa egingo dugu, eman izena asteartea baino lehen: https://labur.eus/HEISENBERGZOZKETA

Info+: https://www.teatrobarakaldo.com/eu/event/heinsenbergtanttaka-teatroa/

DESKONTUA

Ez bazaizue tokatzen, oraingoan ere salneurri berezia edukiko dugu Sasiburuko bazkideok, %50eko deskontua. Zelan lortu? Email bat bidali izen abizenekin eta sarrera kopuruarekin maiatzak 7, osteguna baino lehen, geure email kontura:

                              sasiburu@gmail.com

MIKROKONTAKIZUNEN LEHIAKETA

#MikrokontakizunenLehiaketan parte hartzeko epea zabaldu da! Jarraitu buruari eragiten!

Derrigorrean sartu beharreko hitzak: #AmetsArtean.

Luzera: gehienez, 20 hitz, #AmetsArtean kontatu gabe.

Apirilaren 18tik maiatzaren 10era arte.

PARTE HARTZEKO: Bidali 628 986 324 telefonora (whatsapp / telegram bidez).

Sariak: 200€ / 150€ / 150€.

                            ANIMA ZAITEZ ETA PARTE HARTU!!
 

ASTE HONETAKO AGENDA

 Aste honetako Euskararen Agenda prest! 

apirilak 27 - maiatzak 3

                                   #euskara, #EuskalKultura, 

HITZALDIA: TEKNOLOGIA ETA BOTEREA

, 

 Adimen artifiziala (AAk) eragina du eguneroko erabakietan: zer eduki ikusten dugun, langileak nola aukeratzen diren, baliabide publikoak nola esleitzen diren edo iruzurra nola detektatzen den.Hitzaldi honetan, adibide argiekin AA zer den  (eta zer ez den) azalduko dugu, nola ikasten duen datuetatik abiatuta, eta zergatik huts egin dezakeen edo dauden joerak anplifikatu.

Hortik aurrera, giza eskubideekin duten harremanari helduko diogu:pribatasuna eta zaintza, adierazpen askatasuna, zerbitzuetarako sarbidea, gardetasuna eta kontuak ematea erabaki automatizatu batek pertsona bati eragiten dionean. Ardatz nagusia emakumeen eskubidetarako inplikazio espezifikoa izango da: alborapenak kontratazio eta ebaluazio-sistemetan,diskriminazioa kredituan eta aseguruetan, arriskuak osasunean, AAk emandako indarkeria digitala (jazarpena,deepfakeak, ordezkapena), eta aurreikuspen sistemek segurtasun justizia edo gizarte-laguntza bezalako eremuetan sor ditzakeen inpaktu desberdinak.

HITZALDIA: TEKNOLOGIA ETA BOTEREA,

NOIZ: APIRILAREN 29an, ASTEAZKENA, 19:15ean.

NON:  AINARA AISIALDI TALDEAREN LOKALEAN  (BIZKAIA KALEA 41) ARRONTEGIN.

ASTE HONETAKO EUSKARAREN AGENDA

 Euskararen Agenda prest!!

apirilak 20 - 26

#euskara, #EuskalKultura, #Arnasguneak, #BarakaldoEuskaraz

Barakaldo HITZA literatur jardunaldiak

 Barakaldoko Udalak liburuaren eta literaturaren inguruko kultur programazioaren edizio berri bat aurkeztuko du. Apirilaren 17tik maiatzaren 1era bitartean egingo da, eta publiko orori zuzendutako agenda anitza izango du. Barakaldo Hitza programa haurrentzako tailerrekin, literatur aurkezpenekin, antzerkiarekin, erakusketekin eta finkatutako Liburu Azokarekin itzuliko da, eta irakurzaletasuna eta kultura sustatzeko udalerriaren konpromisoa indartuko duen proposamena osatuko du.

Jarduera gehienak doakoak izango dira eta herritarren parte-hartzea sustatzeko diseinatuta daude, adin eta interes desberdinetara egokitutako proposamenekin.

ANTZEZLANA: "Ezer ez delako amaitzen" (Gerrako umeak)

Apirilaren 24an, ostirala, antzezlan ikaragarria antolatu dugu Loraldiarekin elkarlanean. Oinarrizko testua eta ideia: Joseba Sarrionandia.

Adi, Barakaldon doakoa izango da, baina sarrerak atera beharko dituzue Barakaldoko AEKn edo online: https://sarrerak.loraldia.eus/denda/ezer-ez-delako-amaitzen-barakaldo/

Ez utzi azken momenturako!

​

​​

1936ko kolpe faxistaren ondoren, milaka haur euskaldun erbesteratu ziren. Haien istorioak, ordea, ez dira iraganeko orri itxiak: gaurko gazteen galdera, beldur eta ametsekin gurutzatzen dira.

Ezer ez delako amaitzen antzezlan multidiziplinarra da, Loraldia Eskola lerroaren baitan sortua eta Euskal Herriko leku ezberdinetako 5 ikastetxetako DBH eta Batxilergoko ikasleekin elkarlanean eraikia. Antzerkia, musika eta mugimendua uztartuz, collage moduko pieza garaikide bat osatzen du: haur erbesteratuen testigantzak eta gaur egungo gazteen begirada eszenatokian elkartzen dira. Ikuskizunak memoria historikoa eta egungo errealitatea lotzen ditu, faxismoa, arrazakeria eta indarkeria berriro ager ez daitezen.

Euskaraz sortutako lan kolektiboa da, publiko gazte eta helduarentzat egina, emozioa eta hausnarketa uztartzen dituena. 

💥Ikuskizun honek memoria historikoa gaurkotu nahi du, eta, aldi berean, erreparazio ariketa bat proposatzen du: isilarazitako bizipenei lekua eman, gazteen ahotsa erdigunean jarri, eta iraganari begiratuz oraina hobeto ulertzeko aukera eskaintzea.

Sortzailea: Intxorta 1937 Kultur Elkartea. Ekoizlea: Loraldia. Gidoia: Joseba Sarrionandia. Jatorrizko testua: Joseba Sarrionandia – Espainiako Gerrako umeak (1936–1939) Hamaika eszena. Zuzendaria: Igor Martín de Vidales. Zuzendari laguntzailea: Jaime Valverde. Parte hartzen duten ikastetxeak: Iurretako Juan Orobiogoitia BHI, Zumarraga-Urretxuko JM Iparragirre BHI, Duranako Ikasbidea IPI, Durangoko Fray Juan de Zumarraga BHI, Bilboko Ibarrekolanda BHI.

XII. MIKROKONTAKIZUN LEHIAKETA

 Barakaldoko Udalak "XII. MIKROKONTAKIZUN LEHIAKETA" jarri du abian, "Barakaldo hitza 2026" literatur jardunaldien barruan:

• Gehienez, 20 hitzeko mikrokontakizuna, euskaraz + derrigorrean sartu beharreko hitzak: "amets artean"
• Pertsonako, gehienez, 2 mezu
• Bidaltzeko epea: apirilaren 18tik 30era
• Nora bidali: 629 986 324 (WhatsApp edo Telegram)
• Sariak: 200 € (1. saria), 150 € (2. saria) eta 150 € (3. saria).

ASTEBURU HONETAN

#EuskararenAgenda prest!

Asteburu honetan bertan 2 proposamen bikain:

GAUR, #Pause, Xabier Zeberioren konzertua Teatro Barakaldo Antzokian.

BIHAR, Laguntasuna-ren #Erromeria, Sanbin, 19:00etan.

 

XABIER ZEBERIO BARAKALDO ANTZOKIAN

 Apirilaren 10ean, ostirala, Xabier Zeberio (Alos Quartet, Oskorri) musikariaren Pause izeneko proiektua aurkeztuko dute Barakaldo Antzokian. Kontzertuan, biolin jotzaile tolosarrak Iñar Sastre (pianoa), Eñaut Zubizarreta "Trigger" (biolontxeloa), Patxi Azurmendi (biolina), Iraide Sarria (biola), Markel Zeberio (zelloa) eta Jon Piris (kontrabaxua) izango ditu lagun.

Sasiburu euskara elkartetik zozketa bat martxan jarri dugu! 

https://labur.eus/PauseZozketa

Gure kideentzat ere %50eko deskontua edukiko dugu. Mezua bidali apirilaren 9a 20:00ak baino lehen. info@sasiburu.eus 

nfo+: https://www.teatrobarakaldo.com/eu/event/pausexabier-zeberio/

#EuskarazBizi #BarakaldoEuskaraz

KAITIN ALLENDEREN BAKARRIZKETA

Barakaldoko Gazte Bulegokoek ekitaldi berezi honetara gonbidatu nahi gaituzte:

🎉 Ekitaldia: Bakarrizketa: “Kaiting in the night”

📅 Data: Martxoak 27

🕒 Ordua: 19:00. Ateak: 18:45ean zabalduko dira

📍 Lekua: Gazte Bulegoa

Ekitaldia gazteei zuzenduta dago eta Korrika Kulturalaren barnean kokatzen da.

✍️ Parte hartu nahi baduzu: Joan zure gonbidapena hartzera!

KORRIKA AUZO GUZTIETAN

 

KORRIKA aste honetan helduko da Barakaldora eta hainbat ekintza antolatuko dira auzo guztietan!!!

      

Martxoaren 25ean.

KORRIKA TXIKIAK - 10:00 (Barakaldon eta Gurutzeta-Llanon).

KORRIKA FESTA ARRONTEGIn - 17:00 - San Luis plazan.

KORRIKA FESTA BEURKO-BAGATZAn - 17:00- Elizako plazan.

KORRIKA FESTA ERREKAORTUn - 18:00 - Kiosko plazan.

KORRIKA FESTA SANBIZENTEn - 17:30 - Eliza aurreko plazan.

                 

KORRIKAREN IBILBIDEA BARAKALDON

 KORRIKA abian da daborduko. Barakaldora datorren astean, martxoaren 26an, ostegunean helduko zaigu.Irudian ibilbide nagusia agertzen da. Bertan Korrikak gure herrian egingo duen bide osoaren ikuspegi orokorra ikus daiteke: nondik sartuko den, zein kale eta gune zeharkatuko dituen eta nola osatzen den ibilbide osoa. Irudi horrek aukera ematen du ibilbidea modu globalean ulertzeko eta kokatzeko.

KORRIKA zuzenean HAMAIKA telebistan ikusi dezakegu.

KORRIKA BADATOR!! EUSKARA GARA!!

   Bihar, martxoaren 19an, Euskal Herriko jendarteak hitzordu garrantzitsua du Atharratzen; izan ere, “Euskara gara” lelopean, KORRIKA, 40 urte geroago, berriz abiatuko baita bertatik, arratsaldeko 15:30ean.

   Goiz-goizetik giro ezin hobea izanen da herrian, hainbat ekimen antolatuta. Egun osoko besta prestatu dute AEKideek eta Basaburuko herritarrek 24. KORRIKAri hasiera emateko. Egitaraua goizeko 10:00etan hasiko da, Korrika Ttipiarekin, eta goiz osoan hainbat ekimen izanen dira: txaranga, ikusgarri, dantzaldi, jigante, gaiteroak eta beste.

   Bestalde, Barakaldon Korrika kulturala dela eta, ekintzak hainbat auzotan egingo dira, eta tokian tokiko eragile, elkarte eta talde askoren elkarlanari esker antolatu dira. Horiei guztiei esker, Korrika ez da soilik egun bateko ekimena; hilabete osoko mugimendu kolektiboa bihurtzen da.