JOSEFA NESKAME LIBURU AURKEZPENA

Oraingo honetan beste jarduera interesgarri baten berri eman nahi dizuegu. Alaitz Melgar barakaldar idazleak TENE MUJIKA beka lortu zuen 2023 bere amamaren bizitza ikertzeko.Beka horri esker SASIBURU elkarteko kidea izan zen Alaitzek "Josefa neskame" liburua sortzeko aukera izan zuen.

  Josefa Agirre Etxeberriaren bizitza berreraiki nahi du egileak, haren bilobak. Nor zen baina Josefa? 1928an Azpeitiko baserri batean sortutako emakumea, 12 urte bete orduko neskame lanetan joan zena, eta geroztik bizitza osoan zerbitzari aritu zena, han eta hemen. 

 Alaitz Melgar Agirrek bere ikerketan aurki deskubrituko du inon ez dagoela agiririk, dokumenturik, paper ofizialik. Zer egin, beraz, froga enpirikorik ezean? Neskametzari buruzko saiakera bat topatuko duzu liburu honetan.

ZER: "JOSEFA NESKAME" LIBURU AURKEZPENA.

NON: BARAKALDOKO ELKAR LIBURUDENDAN.

NOIZ: MAIATZAREN 30ean, 18:30ean.

"Meatzeetatik labe garaietara" bisita gidatua.

 

"Meatzeetatik labe garaietara" bisita gidatua.

• Maiatzak 22, asteazkena
• 11:00
• RENFEko Desertu Barakaldo geltokian, desertu aldean
• Izen ematea:
  • 678 626 567
  • barakaldo_berba@aek.eus

"Sahara, herri bat erresistentzian" Liburuaren aurkezpena

 Berria egunkariko kazetaria Kristina Berasainen liburuaren aurkezpenaren gonbita luzatu nahi dizuegu.

 ARGIA SARIA 2024 PRENTSAN KATEGORIAN jasotako “Sahara,herri bat erresistentzian” liburuaren protagonistak sahararrak dira eta haien testigantzak kateatzen ditu liburuak.

               Data: Maiatzak 7

               Ordua: 19:00etan

               Lekua: Clara Campoamor kultur etxean

"Euskaraz bizitzeagatik jazarriak izan diren euskaldun guztiak dira Bizkarsorotarrak"

Bizkarsoro filma Barakaldora ekarriko dugu!

Maiatzak 10. Gorde data!

Josu Martinezek zuzendutako fikziozko luzemetraia da Bizkarsoro.

Bizkarsoro herria ez da existitzen eta, era berean, Euskal Herriko edozein herri izan daiteke Bizkarsoro.

Bizkarsorotarrak fikziozko pertsonaiak dira eta, era berean, euskaraz bizitzeagatik jazarriak izan diren euskaldun guztiak dira Bizkarsorotarrak.

1914tik 1982ra bitartean gertatzen diren bost istoriok osatzen dute filma. Ahozko lekukotzetan eta idatzitako testuetan oinarritutako fikziozko bost istorio dira, bost hamarkadatako kontakizuna.

Argia aldizkariko Gorka Peñagarikano Goikoetxeak honela iruzkindu zuen:

“Bizkarsoro herri euskalduna da, jendearen joan-etorririk eta populazioaren nahaste handirik apenas bizitu duena iraganean. Lehen Mundu Gerran frantsesen bandoan borrokatu beharko du lehenik, eta nazien inbasioa jasan gero. Finean, identitateari eta hizkuntzari uko egitera behartuta ikusiko du bere burua. Programaturik dago bere heriotza, arriskuan dago, eta ondo pentsaturik egingo zaio eraso, baina pronostiko guztien kontrara, eutsi egingo dio. Eta hiltzekotan ere, badaki, autopsiarako frogak utzita hilko dela.”

Informazio gehiago: www.bizkarsoro.eus

SASIBURU ZEHARKATUZ

 BERBALAGUNekoek beste ekitaldi interesgarri bat antolatu dute NATURZALE TALDEA.

Lehenengo txango honetan SASIBURU mendikatea zeharkatzeko  plan aparta dugu.

Txango horretan parte hartzeko oinetako eta arropa egokiak eramatea beharrezkoa da, baita ura eta otartekoa ere.

            Izen ematea:

• 678 626 567
• barakaldo_berba@aek.eus

MIKROKONTAKIZUN LEHIAKETA

 Urtero lez, Barakaldoko Udalak "IX. MIKROKONTAKIZUN LEHIAKETA" jarri du abian, "Barakaldo hitza 2024" literatur jardunaldien barruan:

• Gehienez, 20 hitzeko mikrokontakizuna, euskaraz + derrigorrean sartu beharreko hitzak: "begi ertzetik begira"
• Pertsonako, gehienez, 2 mezu
• Bidaltzeko epea: apirilaren 15etik 29ra
• Nora bidali: 650 700 261 (WhatsApp edo Telegram)
• Sariak: 200 € (1. saria), 150 € (2. saria) eta 150 € (3. saria).

ZOZKETA: IGOR ELORTZA + RAFA RUEDA

 

  *ZOZKETA: 2 SARRERA BIKOITZ*

Izena eman: www.labur.eus/zozketaElortzaRueda 

Nahi duzun sare sozialean partekatu kartela (Mastodon, Telegram/Whatsapp, Twitter, Facebook, Instagram...)

 Zozketan parte hartzeko azken eguna apirilaren 12a ostirala 22:00etan.

Bertsoen hitzaren eta ahotsaren jarrera bereizgarri berekoak dira Rafa Ruedarekin landu dituen doinuak eta soinuak ere. Rapa, trapa, popa, funkya, mundurako erritmoak… Bertso-kantaro aurkituko da sorpresaz entzulea, aldiro, aldiaren kontraesanetara ertz ezberdinetik hurbiltzeko.

 Informazio gehiago: https://www.teatrobarakaldo.com/eu/event/igor-elortza-rafa-ruedaanonyme-popular/

ANIX: PROIEKTU BERRITZAILEA

 

ANIX: PROIEKTU BERRITZAILEA 

Azken urteotan, argi dago euskararen erabilera gutxitu egin dela eta Barakaldoko hiru ikaslek horri aurre egiteko ekimena hartu nahi izan dutela. ikerketa baten ondoren egiaztatu dute gazteak direla euskara ez erabiltzeak gehien eragiten dien generazioa. Hizkuntza hain aberatsa eta kulturala izateko aukera galtzen ari dira. 

Antonio Trueba institutuko hiru ikasle hauek euskara modu berritzailean sustatu nahi dute. Gazteen bizitza sare sozialen ingurukoa denez, hiru gazte hauek sare sozial ezagunenen funtzio nagusiak elkartu dituzte Anix izeneko aplikazio bakar batean. 

Euskaldunek elkarrekin euskaraz komunikatzeko aukera izango dute plataforma honetan. Gainera, aplikazio horrek bidaiei, jokoei, festei, gastronomiari, entretenimenduari eta beste hainbat gairi buruzko artikuluak izango ditu, entretenimendu handia eskainiko dietenak eta, aldi berean, euskara komunikazio-hizkuntza gisa erabiliko dutenak. 

Gainera, erabiltzaileek beren artean euskaraz komunikatzeko aukera izango dute, interesatzen zaizkien gaiei buruz: Forua. Foru horrek askotariko gaiak biltzen ditu, lehen aipatutako gaiak edo beste batzuk. Bestalde, erabiltzaileek argazkiak partekatzeko atal bat sortu dute: Anistagram. 

Helburu nagusia euskaraz komunikatzea da eta gaur egun aplikazioa garatzen ari dira. Aplikazioa garatzen jarraitzeko kolaboratzaile bilatzen ari dira, eta eman diezaieketen laguntza guztiak jasotzeko prest daude.

Informazio gehiago nahi izatekotan, esteka honetan sakatu:

barakaldo.hezkuntza