UDAN ERE EUSKARAZ SEGURU!

 

Dagoeneko zabalik dago Barakaldoko udako berba taldeetan apuntatzeko epea. Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. 

Gainera, aurten berriro jarriko dugu berbalagun talde bat martxan non eta Nojan. Horri buruzko informazio gehiago esteka honetan: 

http://ezkerraldea.blogspot.com/2021/05/udan-euskaraz-hitz-egin-nahi-al-duzu.html

Izena emateko azken eguna: ekainaren 11 

      EMAN IZENA!!

telefonoa: 678 626 567

e-posta: ezkerraldea@aek.eus

KATTALIN MINER IDAZLEA. Irakurzale kluba

Barakaldoko Irakurzale klubak Kattalin Miner idazlearen Turista Klasea liburua hautatu du hurrengo hitzordurako.

Zer: Literatura solasaldia. Liburua irakurri eta horretaz hitz egingo dute

Noiz: Ekainaren 22an, asteartearekin, 19:30ean

Non: Clara Campoamor Kultur Etxean.

Esnatu, gosaldu, jantzi, motxila, paketea eta nortasun agiria hartu, Hendaiara joan, Pariserako trenari itxaron. Baliteke gaurkoa izatea azken bisita. Eta oraindik ez zaizkio natural ateratzen talegoa bezalako hitzak. Batzuetan fribolo samarrak iruditzen zaizkio haien arteko elkarrizketak, ez dutelako politikaz hitz egiten, baizik eta pelikulez, liburuez, ametsez. Barre egiten dute, elkar babesten dute.

      Uzkiari buruzko tailer batean ezagututako lagun txiletar batzuen etxean geratu zen lehenengo bisitan. Geroztik, ardo botilak hustu zituzten, “lagun” esan zioten elkarri, bizi zituzten biolentziak konpartitu. Baina haiei ez zien kontatu muga gurutzatuta trena hartzean sentitzen zuen izua, Charlie Hebdo-ren kontrako atentatua gertatu zenetik.

      Adiskidetasuna, elkartasuna, norberarengandik erauzi ezin ditugun beldurrak. Kattalin Minerren bigarren nobelan.

 Izena emateko: 678 626 567 edo barakaldo_berba@aek.eus

IRAKURLE KLUBA GAZTE BULEGOAN

 GAZTE BULEGOkoek beste jarduera interesgarri bat antolatu dute gazteentzat:

                                 IRAKURLE KLUBA 💪

Irakurketa-taldea jarriko dute martxan berriro!  Animatuko zara parte hartzen?

EMAN IZENA:

☎ 94 - 478 95 96  /  688 63 99 35

✉ gaztebulegoa@barakaldo.eus

GAZTE BULEGOA - DONIBANE KALEA 17 - BARAKALDO 

EZ NAIZ KOLONIALISTA BAINA. HITZALDIA

 

Sasiburu euskara elkarteak, Barakaldoko AEK euskaltegiak eta Agharas Bizkaiko Imazighen elkarteak honako hitzaldi hau antolatu dute: 'Ez naiz kolonialista baina...' 

NOIZ: maiatzaren 25ean, 19:00etan

NON: Lasesarre kiroldegiko areto nagusian.

Argia astekariko Axier Lopez kazetari barakaldarrak kolonialismo eta inperialismoaz jardungo du, hainbat erakundek Juan Sebastián Elkano omendu duten honetan. Bertan, nagibatzailearen gaineko “ezohiko ikuspuntua” eskainiko da eta euskaldunok konkistetan eta esklabotzan izan dugun papera izango dugu aztergai.

ANIMA ZAITEZ ETA EMAN IZENA!!

OHARRA: Parte hartzeko beharrezkoa da izena ematea e-postaz:

 (barakaldo_berba@aek.eus) edo telefonoz (678 626 567).

MUSIKAREN MAGIA.GURASOLAGUN

GURASOLAGUN proiektuaren barruan beste jarduera gozagarria antolatu dute familientzat.

                                 MUSIKAREN MAGIA

Jaione Marijuan irakasleak familientzako musika saio bikaina eskainiko du bi txandatan Barakaldoko gurasolagunentzat, musikaren bidez jolastu eta gozatzeko. 

NOIZ: Ekintza maiatzaren 14an, ostitalean, 18:00etan eta 19:00etan egingo da 

NON: Hala Dzipo Musika Eskolan. 

Parte hartzeko izena ematea derrigorrezkoa da, edukiera mugatua baita. 

Izena emateko: 678 626 567 edo barakaldo_berba@aek.eus

Azken eguna: maiatzaren 13a.

EUSKARAZ GAZTE!! BERBALAGUN TALDEA

Gaztea zara eta euskaraz hitz egin nahi duzu zure aisialdian? Gazteek osatutako berbalagun talde batean parte hartu nahi duzu? Bertan zuk erabaki dezakezu noiz eta non elkartu, zer eta nola egin. Giro jator eta atseginean. 

ANIMA ZAITEZ ETA EMAN IZENA!!

IZEN EMATEA: maiatzaren 14ra arte

 678 626 567 telefonoan edo barakaldo_berba@aek.eus e-postan.

SKRATX. HAUR ANTZEZLANA

 

SASIBURU ELKARTEAk beste ikuskizun dibertigarria antolatu du  familientzat.

Skratxek kontatzen du nola denboraren poderioz super-heroi izatetik anti-heroria izatera pasatu den. Baina orain da momentua ipurdia altxatzeko eta 360 graduko aldaketa bat emateko: esku artean arazo bat azaldu zaio eta, konpontzen ez badu, beti-betirako kapa zintzilikatu beharko du.

“Wert Igo” doktoreak bere kidea “Fantastik Luzi” bahituko du eta hau askatzeko harrapatuta daukan energia barra goraino bete beharko du.

Egia esanda, Skratx ez da batere azkarra eta Luzi askatzeko publikoaren laguntza behar-beharrezkoa izango du.

Lortuko al du “Fantastik Luzik” “Wert Igo” doktorearen eskuetatik libratzea?

Antzezpen umoretsua, dibertigarria eta samurtasunez betea.

ZER: SKRATX HAUR ANTZEZLANA.

NOIZ: MAIATZAK-13, OSTEGUNA, 18:30ean.

NON: GURUTZETAKO KULTUR ETXEAN.

Plaza mugatuak.

IZEN EMATEA:   info@sasiburu.eus

Anima zaitezte! PRIMERAN PASATUKO DUGU!

Kooperante baten bizitza.HITZALDIA

     Barakaldoko berbalagunek "Kooperante baten bizitza" hitzaldia antolatu dute, maiatzaren 11n, 19:00etan, Barakaldoko AEK euskaltegian. Bertan, Irantzu Ortega berbalagunak 10 urtez Hego Amerikan eta Afrikan bizi izandako pasadizioak aletuko ditu denon gozamenerako. ¨

Plazak mugatuak dira. 

Parte hartu nahi izanez gero izena eman beharra dago. 

IZEN EMATEA: 

678 626 567 telefonora deituz edota barakaldo_berba@aek.eus 

e-postara idatziz.

                        ANIMA ZAITEZ!!